စက်တင်ဘာလ(၁၉)ရက်မှာကျင်းပတဲ့ ကိုရီးယား(၂)နိုင်ငံထိပ်သီးဆွေးနွေးပွဲ ဒုတိယမြောက်နေ့မှာ တောင်ကိုရီးယားသမ္မတ မွန်ဂျဲအင်၊ မြောက်ကိုရီးယားခေါင်းဆောင် ကင်ဂျုံအန်တို့နဲ့အတူ (၂)နိုင်ငံစလုံးကအရာရှိကြီး(၁)ဦးစီတက်ရောက်ခဲ့ပါတယ်။ မိနစ် (၇၀)ကြာဆွေးနွေးခဲ့ပြီးနောက် ကိုရီးယားကျွန်းဆွယ်ပေါ်မှာ စစ်ပွဲတွေအားလုံးကိုဖယ်ရှားဖို့ ခေါင်းဆောင်(၂)ဦးကကြေညာခဲ့ပါ တယ်။ နယ်စပ်ဖြတ်ကျော်ရေးသဘောတူညီချက်အတွက်(၂)နိုင်ငံခေါင်းဆောင်တွေက ပထမဆုံးအကြိမ်လက်မှတ်ရေးထိုးခဲ့ပြီး ကိုရီးယားစစ်မဲ့ဇုန်မှာ ကမ်းခြေစောင့်တပ်တွေပြန်ရုပ်သိမ်းဖို့အပါအ၀င် ကြည်း၊ ရေ၊ လေစတဲ့နယ်နိမိတ်တွေမှာ စစ်မက်ဖြစ်ပွား လိုတဲ့ အပြုအမူတွေရပ်ဆိုင်းဖို့ကိုလည်းသဘောတူခဲ့တယ်လို့သမ္မတ မွန်းကပြောပါတယ်။

ဒီထိပ်သီးဆွေးနွေးပွဲမှာ မြောက်ကိုရီး ယားရဲ့ကြေညာချက်က ကိုရီးယားကျွန်းဆွယ်ငြိမ်းချမ်းရေးနဲ့ လုံခြုံရေးဇုန်အဖြစ်ပြောင်းလဲနိုင်ဖို့ဖြစ်ပြီး ငြိမ်းချမ်းရေးနဲ့ ကြွယ်ဝချမ်း သာတဲ့ခေတ်တစ်ခေတ်ကိုဖြစ်လာလိမ့်မယ်လို့ မြောက်ကိုရီးယားခေါင်းဆောင်ကင်ကပြောပါတယ်။ အခု သဘောတူညီချက်က ကိုရီးယား(၂)နိုင်ငံစလုံးတစ်ဖက်နဲ့တစ်ဖက် မကျူးကျော်ရေးစာချုပ်ဖြစ်ပြီး ကိုရီးယား(၂)နိုင်ငံကြားကစစ်ပွဲတွေအဆုံးသတ်စေဖို့ ဖြစ်တယ်လို့ တောင်ကိုရီးယားသမ္မတရုံးက သတင်းထုတ်ပြန်ခဲ့ပါတယ်။

 

 

Related News