အင်္ဂလန်ဘောလုံးအဖွဲ့ချုပ် FA ဟာနည်းပြဆောက်ဂိတ်ကို (၂၀၂၂) ကမ္ဘာ့ဖလားအပြီးထိ ကိုင်တွယ် ခွင့်ရမယ့် (၃) နှစ်စာချုပ်သစ်ချုပ်ဆိုခဲ့ပါတယ်။ထွက်ပေါ်ထားတဲ့သတင်းတွေအရ ဆောက်ဂိတ်ဟာ တစ်နှစ်ကို ပေါင် (၃) သန်းထိတိုးမြှင့်ရရှိမှာဖြစ်ပါတယ်။ FA ဟာ ဆောက်ဂိတ်အပြင် လက်ထောက်နည်းပြစတိဟော်လန်ကိုလည်း (၂၀၂၂) ခုနှစ်ထိ သက်တမ်းတိုးစာချုပ် ချုပ်ဆိုခဲ့ပါတယ်။ FA တာဝန်ရှိသူတွေကတော့ နည်းပြဆောက်ဂိတ်အပေါ်ယုံကြည်မှုအပြည့်ရှိကြောင်းနဲ့ ကမ္ဘာ့ဖလားမှာဗိုလ်စွဲနိုင်မယ်လို့ ယုံကြည်ကြောင်းပြောကြားထားပါတယ်။

 ဆောက်ဂိတ်ဟာ (၂၀၁၈) ကမ္ဘာ့ဖလားမှာ အင်္ဂလန်အသင်းကို ဆီးမီးဖိုင်နယ်ထိပို့ဆောင်ပေးခဲ့ပြီး တာဝန်ရှိသူတွေရဲ့ ယုံကြည်မှုကိုရယူနိုင်ခဲ့တာဖြစ်ပါတယ်။ နည်းပြဆောက်ဂိတ်ကိုင်တွယ်နေတဲ့အင်္ဂလန်လက်ရွေးစင်အသင်းဟာ ယခုလအတွင်း ကစားမယ့် 2018–19 UEFA Nations League ပြိုင်ပွဲရဲ့ ခရိုအေးရှား၊ စပိန် တို့နဲ့ပွဲစဉ်တွေအတွက် ကစားသမားစာရင်းကိုထုတ်ပြန်ခဲ့ပါတယ်။နည်းပြဆောက်ဂိတ်ရဲ့ ယခုလူစာရင်းမှာ မျက်နှာသစ်ကစားသမားအချို့ပါဝင်လာခဲ့ပြီး၊ အသင်းရဲ့စီနီယာကစားသမားအချို့ကိုချန်လှပ်ခဲ့ပါတယ်။ အင်္ဂလန်အသင်းရဲ့လူစာရင်းမှာ ဒေါ့မွန်လူငယ်ကြယ်ပွင့် ဆန်ချို၊ ချန်ပီယံရှစ်ကလပ် ဒါဘီအသင်းကွင်းလယ်လူ မေဆွန်မောင့်၊ လက်စတာကွင်းလယ်လူ မယ်ဒီဆင် တို့ရွေးချယ်ခံခဲ့ရပါတယ်။အင်္ဂလန်အသင်းဟာ အောက်တိုဘာ(၁၃)ရက်နေ့မှာ ခရိုအေးရှားနဲ့ ကစားမှာဖြစ်ပြီး (၁၆)ရက်နေ့မှာတော့ စပိန်အသင်းနဲ့ ယှဉ်ပြိုင်ကစားမှာဖြစ်ပါတယ်။

 

 

 

Related News