(၁၀)ကြီမ်မြာက် ဂျပန်-မဲခေါင်ထိပ်သီးအစည်းအဝေးမှာ  ဂျပန်နိုင်ငံနဲ့  မဲခေါင်မြစ်တစ်လျှောက်က အရှေ့တောင်အာရှ (၅)နိုင်ငံတို့က  လွတ်လပ်ပြီးပွင့်လင်းတဲ့အင်ဒိုပစိဖိတ်ဒေသ တစ်ခုမြှင့်တင်ဖို့ သဘောတူညီခဲ့ကြပါတယ်။  ဗီယက်နမ် ၊ထိုင်း၊ မြန်မာ၊ ကမ္ဘောဒီးယား၊ နဲ့လာအိုနိုင်ငံတို့က ခေါင်းဆောင်တွေကို ဂျပန်ဝန်ကြီးချုပ်ရှင်ဇိုအာဘဲက အောက်တိုဘာလ (၉)ရက်က ဂျပန်နိုင်ငံမြို့တော်တိုကျိုမှာ ကျင်းပတဲ့(၁၀)ကြီမ်မြောက် မဲခေါင် ဂျပန်ထိပ်သီးအစည်းအဝေးမှာ တွေ့ဆုံခဲ့ပါတယ်။

မဲခေါင်ဒေသက လူ့စွမ်းအားအရင်းအမြစ်တွေကြွယ်ဝပြီး  ပစိဖိတ်သမုဒ္ဒရာနဲ့ အိန္ဒိယသမုဒ္ဒရာတို့ကိုဆက်သွယ်ပေးတဲ့  တံတား (၁)ခုဖြစ်တယ်လို့ ဖွင့်ပွဲအခမ်းအနားမှာ ဂျပန်ဝန်ကြီးချုပ်ရှင်ဇိုအာဘဲက ပြောပါတယ်။ မဲခေါင်အဖွဲ့ဝင်နိုင်ငံတွေနဲ့ဂျပန်နိုင်ငံက ပူးပေါင်းဆောင်ရွက်မှုမြှင့်တင်လိုပြီး လွတ်လပ်ပွင့်လင်းတဲ့ အင်ဒိုပစိဖိတ် ဒေသနဲ့စီးပွားရေးဖွံ့ဖြိုးဖို့မျှော်လင့်တယ်လို့လည်း အာဘဲကပြောပါတယ်။

အနာဂတ်ပူးပေါင်း ဆောင်ရွက်မှုအတွက် ညွှန်ကြားချက် တွေပါဝင်တဲ့ တိုကျိုမဟာဗျူဟာ(၂၀၁၈)ကို ခေါင်းဆောင်တွေကကြေညာခဲ့ပါတယ်။ မဲခေါင်အဖွဲ့ဝင်နိုင်ငံတွေကို      စိုက်ပျိုးရေးနဲ့အစားအစာလုပ်ငန်းတွေမှာ လူ့စွမ်းအား အရင်းအမြစ်ပြုစုပျိုးထောင်ပေးဖို့ ဖြစ်တယ်လို့လည်း မဟာဗျူဟာမှာ ဖော်ပြထားပါတယ်။  တောင်တရုတ်ပင်လယ်မှာ တရုတ်နိုင်ငံရဲ့ ရေကြောင်းလှုပ်ရှားမှုတွေကိုဆန့်ကျင်ဖို့ ရေကြောင်းနဲ့ လေကြောင်းလုံခြုံမှုရဲ့အရေးပါမှုကို ခေါင်းဆောင်တွေက  ထပ်လောင်းအတည်ပြုခဲ့ပါတယ်။

 

 

Related News