အမေရိကန်နဲ့အစ္စရေးတို့ရဲ့ခြိမ်းခြောက်မှုတွေနဲ့ လေကြောင်းတိုက်ခိုက်ခံခဲ့ရတာတွေကြောင့်  အီရန်ပြည်တွင်း လုပ်ဂျက်လေယာဉ်တွေကို အမြောက်အမြားစတင်ထုတ်လုပ်နေပြီဖြစ်ပါတယ်။  အီရန်ပြည်တွင်းမှာဒီဇိုင်းရေးဆွဲထားတဲ့ “ကော့စ်ဝါ”အမျိုးအစားဂျက်တိုက်လေယာဉ်တွေကို အမြောက်အမြားစပြီးထုတ်လုပ်နေပြီ လို့ အီရန်နိုင်ငံပိုင်IRIBသတင်းဌာနကဖော်ပြပါတယ်။

မကြာခင်မှာလိုအပ်တဲ့အရေအတွက်ကိုထုတ်လုပ်နိုင်တော့မှာဖြစ်ပြီး အီရန် လေတပ်မှာ အမှုထမ်းတော့မှာဖြစ်တယ်လို့ အီရန်ကာကွယ်ရေးဝန်ကြီး အာမီယာ ဟာတာမီက နိုဝင်ဘာလ(၃)ရက်မှာပြောပါ တယ်။ ကော့စ်ဆာဂျက်တိုက်လေယာဉ်တွေကို အခုနှစ်သြဂုတ်လမှာ စပြီးမိတ်ဆက်ချိန်မှာ အီရန်သမ္မတ ဟတ်ဆန် ရိုဟာနီက အီ ရန်ရဲ့စစ်တပ်အင်အားတိုးလာတာက ရန်သူတွေကို ဟန့်တားနိုင်ဖို့နဲ့ ကြာရှည်တဲ့ငြိမ်းချမ်းရေးတည်ဆောက်နိုင်ဖို့ဖြစ်တယ်လို့ ပြောခဲ့ပါတယ်။ ကော့စ်ဆာဂျက်တိုက်လေယာဉ်တွေမှာ အဆင့်မြင့်လေကြောင်းပျံသန်းရေးသုံးအီလက်ထရောနစ်ပစ္စည်းတွေနဲ့ ရေဒါစနစ်တွေပါဝင်နေပြီး လေယာဉ်တစ်စီးလုံးကိုအီရန်နိုင်ငံထဲမှာ ပထမဆုံးအကြိမ်ပြုလုပ်တာဖြစ်တယ်လို့ သိရပါတယ်။ (၁၉၈၀)ပတ်ဝန်းကျင်က အီရန်နဲ့အီရတ်နိုင်ငံတို့ကြား(၈)နှစ်ကြာစစ်ပွဲဖြစ်ပွားခဲ့စဉ်မှာ အီရန်နိုင်ငံက လေကြောင်းတိုက်ခိုက်မှုဒဏ် ခံခဲ့ရတာနဲ့ အမေရိကန်နဲ့အစ္စရေးတို့ရဲ့ဆက်တိုက်ခြိမ်းခြောက်တာတွေကြောင့် ပြည်တွင်းမှာတိုက်လေယာဉ်ထုတ်လုပ်ခဲ့တာလို့ အီရန်ကာကွယ်ရေးဝန်ကြီးကပြောပါတယ်။

 

 

 

Related News