အာဂျင်တီးနားနိုင်ငံမှာ ဒီဇင်ဘာလ(၁)ရက်က အမေရိကန်သမ္မတ ဒေါ်နယ်ထရမ့်နဲ့ တရုတ်သမ္မတ ရှီကျင့်ပင်တို့တွေ့ဆုံ ခဲ့ကြပြီး နှစ်နိုင်ငံကြားအကောက်ခွန်တိုးကောက်မှုတွေကိုခေတ္တရပ်ထားဖို့ သဘောတူထားခဲ့တာကြောင့် အာရှဈေးကွက်မှာ တိုးတက်မှုတွေ ရှိလာတယ်လို့သိရပါတယ်။ အာဂျင်တီးနားနိုင်ငံ၊ ဘွေနိုအေရိစ်မြို့မှာ ဒီဇင်ဘာလ(၁)ရက်က အမေရိကန်သမ္မတ ဒေါ်နယ်ထရမ့်နဲ့ တရုတ်သမ္မတ ရှီကျင့်ပင် တို့တွေ့ဆုံခဲ့ကြပြီးနောက် အကောက်ခွန်တိုးကောက်မှုတွေကိုခေတ္တရပ်ထားဖို့သဘောတူခဲ့ကြပါတယ်။ ကမ္ဘာ့အကြီးဆုံးစီးပွားနိုင်ငံ (၂)နိုင်ငံကြားက ကုန်သွယ်ရေးစစ်ပွဲတွေကြောင့် ကမ္ဘာ့ကုန်သွယ်ရေးနဲ့ စီးပွားရေးကိုပါထိခိုက် စေခဲ့ပါတယ်။

အကောက်ခွန်တိုး ကောက်မှုတွေကို ရက်(၉၀)ကြာရပ်ထားဖို့ အမေရိကန်နဲ့ တရုတ်နိုင်ငံတို့သဘောတူထား တာပါ။ အမေရိကန်နဲ့ တရုတ်နိုင်ငံတို့ရဲ့ အကောက်ခွန်တိုးကောက်မှုရပ်ထားရေး သဘောတူညီချက်ကြောင့် အာရှဈေးကွက် မှာ တိုးတက်မှုတွေရှိလာတယ်လို့သိရပါတယ်။ တရုတ်နိုင်ငံရဲ့ ဈေးကွက်အညွှန်းကိန်းတွေအရ အစောပိုင်းမှာ ဈေးကွက် တိုးတက်မှု (၂)ရာခိုင်နှုန်းကျော်၊ ဂျပန်နိုင်ငံရဲ့ဈေးကွက် အညွှန်းကိန်းတွေမှာ(၁)ရာခိုင်နှုန်းကျော်တိုးတက်လာတာပါ။ အကောက်ခွန်တိုးကောက်မှုရပ်ထားရေးသဘောတူညီချက်က သိ သာထင်ရှားတဲ့တိုးတက်မှုလို့တော့မထင်ပါဘူး၊ ဒါက ခေတ္တအကောက်ခွန်တိုးကောက်မှုရပ်ထားရေးသဘောတူညီချက်သက်သက်ပဲဖြစ်တယ်လို့ ဂျပန်ရင်းနှီးမြှပ်နှံမှုဘဏ် ကုမ္ပဏီက အကြီးတန်းစီးပွားရေးပညာရှင် မာဆာမီချီ အဒါချီကပြောပါတယ်။

အခုနှစ်ဇူလိုင်လကတည်းက အမေရိကန်နဲ့ တရုတ်တို့ကြားကုန်သွယ်ရေးစစ်ပွဲတွေဖြစ်ပွားခဲ့ပြီး တရုတ်နိုင်ငံဘက်ကတင်သွင်းတဲ့ ကုန်ပစ္စည်း အမေရိကန်ဒေါ်လာ ဘီလီယံ (၂၅၀)ဖိုးကို အမေရိကန်ဘက်ကအခွန်တိုးကောက်ခဲ့ပါတယ်။ အလားတူ အမေရိကန် နိုင်ငံဘက်ကတင်သွင်းတဲ့ ကုန်ပစ္စည်းအမေရိကန်ဒေါ်လာဘီလီယံ(၁၁၀)ကျော်ကို တရုတ်ဘက်ကလည်းအခွန်တိုးကောက်ခဲ့တာပါ။ အမေရိကန်နဲ့ တရုတ်နိုင်ငံတို့ကြားကုန်သွယ်ရေးစစ်ပွဲတွေဖြစ်ပွားခဲ့ပြီး အကောက်ခွန်တိုးကောက်မှုရပ်ထားတာကြောင့် လာမယ့်(၂၀၁၉) ခုနှစ်၊ နှစ်စပိုင်းမှာ တရုတ်နိုင်ငံရဲ့ကုန်ပစ္စည်းတွေဟာ (၁၀)ရာခိုင်နှုန်းကနေ (၂၅)ရာခိုင်နှုန်းအထိတိုးတက်လာလိမ့်မယ်လို့ ခန့်မှန်းထားကြပါတယ်။

 

 

Related News