ဇန်န၀ါရီ(၇)ရက်ကတည်းကစတင်နေတဲ့ကုန်သွယ်ရေးစစ်ပွဲအတွက်ဆွေးနွေးမှုတွေကို ဒီနေ့ဇန်န၀ါရီ(၉)ရက်အထိရက်တိုးဆွေးနွေး နေပါတယ်။ဒီနေ့ဇန်န၀ါရီ(၉)ရက်မှာအမေရိကန်နဲ့တရုတ်တုိ့ကကုန်သွယ်ရေးဆွေးနွေးမှုတွေဆက်လုပ်သွားမယ်လို့ အမေရိကန်အာဏာပိုင်တစ်ဦးက ဇန်န၀ါရီ(၈)ရက်မှာပြောပါတယ်။ ဇန်န၀ါရီ(၇)ရက်မှာကတည်းက (၂)နိုင်ငံကုန်သွယ်ရေးဆွေးနွေးမှုတွေပြုလုပ်နေပြီးဒီနေ့ပြုလုပ်မယ့် ဆွေးနွေးမှုကတော့ စီစဉ်ထားတဲ့အထဲမှာမပါပါဘူး။ ပြီးခဲ့တဲ့နှစ်ရက်ဆွေးနွေးမှုတွေမှာတော့ တရုတ်ဈေးကွက်ကိုပိုဝင်ရောက်ခွင့်နဲ့ အမေရိကန်မွေးမြူရေးနဲ့ စွမ်းအင်ဆိုင်ရာပစ္စည်းတွေကို ၀ယ်ယူဖို့အပါအ၀င် တိုးတက်မှုတွေရှိလာတဲ့အရိပ်အယောင်တွေရှိနေပါတယ်။

အမေရိကန်နည်းပညာတွေ အတင်းအကြပ်လွှဲယူတာနဲ့ ခိုးယူတာတွေရပ်ဖို့ အမေရိကန်အစိုးရကတောင်းဆိုနေတာတွေအတွက် ရက်တိုး ဆွေးနွေးနေတာလို့ ဆွေးနွေးမှုနဲ့နီးစပ်သူတွေကပြောတယ်လို့ ရိုက်တာသတင်းဌာနကဖော်ပြပါတယ်။ ဆွေးနွေးမှုတွေ အဆင်ပြေတယ် လို့ ဇန်န၀ါရီ(၈)ရက်မှာအမေရိကန်သမ္မတဒေါ်နယ် ထရမ့်က တွစ်တာမှာရေးခဲ့ပေမဲ့ အသေးစိတ်အချက်အလက်တွေတော့ မပါဝင်ပါဘူး။ပြီးခဲ့တဲ့ဒီဇင်ဘာ(၁)ရက်မှာကုန်သွယ်ရေးစစ်ပွဲ(၃)လအပစ်ရပ်ဖို့ ထရမ့်နဲ့ တရုတ်သမ္မတ ရှီကျင့်ပင်တို့ သဘောတူခဲ့ပြီးနောက် အခုဆွေးနွေးမှုတွေက ပထမဆုံးအကြိမ်ဖြစ်ပါတယ်။ လာမယ့်မတ်လ(၂)ရက်မှာသဘောတူညီချက်တစုံတရာမရဘူးဆိုရင် တရုတ်ရဲ့ သွင်းကုန် အမေရိကန်ဒေါ်လာဘီလီယံ(၂၀၀)ဖိုးလောက်ကိုအကောက်ခွန်(၂၅)ရာခိုင်နှုန်းအထိပြန်ကောက်သွားမယ်လို့ ထရမ့်က ပြောထားပါတယ်။

 

Related News