ကမ္ဘာ့စီးပွားရေးတိုးတက်မှုဟာ (၂၀၁၉)ခုနှစ်မှာ (၂.၉)ရာခိုင်နှုန်းရှိနေမယ်လို့ ကမ္ဘာ့ဘဏ်ကမျှော်မှန်းထားပြီးဒါဟာ (၂၀၁၈)ခုနှစ်ကတိုးတက်မှု(၃)ရာခိုင်နှုန်းရှိမယ်လို့ ခန့်မှန်းထားတာထက် နှေးနေပါတယ်။ ဇန်န၀ါရီ(၈)ရက်ကကမ္ဘာ့ဘဏ်ကထုတ်ပြန်တဲ့ ကမ္ဘာ့စီးပွားရေးမျှော်မှန်းချက်အစီရင်ခံစာမှာပါဝင်ခဲ့တာပါ။ ကုန်သွယ်ရေးတင်းမာမှုတွေနဲ့ နိုင်ငံတကာကုန်သွယ်မှုတွေမှာချင့်ချိန်နေတာတွေများလာတာကြောင့် တိုးတက်မှုနှေးကွေးလာနိုင်တာလို့ ကမ္ဘာ့ဘဏ်ကဝေဖန်ထားပါတယ်။ ပြီးခဲ့တဲ့လတွေထဲမှာငွေကြေးဈေးကွက်ကိုကမောက်ကမဖြစ်စေခဲ့တဲ့ အမေရိကန်-တရုတ်ကုန်သွယ်ရေးစစ်ပွဲအတွက် (၂)နိုင်ငံညှိနှိုင်းမှုတွေပြုလုပ်နေတုန်းကမ္ဘာ့ဘဏ်ရဲ့မျှော်မှန်းချက်အစီရင်ခံစာထွက်ပေါ်လာတာပါ။ ပြီးခဲ့တဲ့(၂၀၁၈)ခုနှစ်ထဲမှာအမေရိကန်နဲ့တရုတ်တို့ရဲ့အပြန်အလှန်အကောက်ခွန်တိုးကောက်ခံတာတွေကြောင့် (၂)နိုင်ငံလုံးကကုမ္ပဏီတွေသာမကကမ္ဘာ့ဈေးကွက်ပါ အထိနာခဲ့ပါတယ်။တိုးတက်လာတဲ့ဈေးကွက်တွေအတွက် တိုးတက်မှုက (၄.၂)ရာခိုင်နှုန်းရှိလာနိုင်ပြီးအဆင့်မြင့်ဈေးကွက်တွေကတော့ တိုးတက်မှု(၂)ရာခိုင်နှုန်းရှိနိုင်တယ်လို့ ကမ္ဘာ့ဘဏ်ရဲ့အစီရင်ခံစာမှာပါဝင်ပါတယ်။

 

 

 

 

Related News