ဆီးရီးယားနဲ့အီရတ်တို့ကအိုင်အက်စ်တွေသိမ်းပိုက်ထားတဲ့နယ်တွေဟာလာမယ့်တစ်ပတ်မှာအိုင်အက်စ်တွေလက်ကလွတ်မြောက်နိုင်ပြီကြေညာနိုင်ချေရှိနေတယ်လို့ အမေရိကန်သမ္မတဒေါ်နယ် ထရမ့်က ပြောပါတယ်။လာမယ့်တစ်ပတ်လောက်မှာအိုင်အက်စ်လို့သူတို့ကိုယ်သူတို့သတ်မှတ်တဲ့ အစ္စလာမစ်နိုင်ငံတော်စစ်သွေးကြွအဖွဲ့သိမ်းပိုက်ထားတဲ့နယ်မြေတွေဟာသူတို့လက်ကလွတ်မြောက်ပြီဆိုတဲ့တရားဝင်ကြေညာချက်ထွက်လာဖို့ မျှော်လင့်တယ်လို့ အမေရိကန်သမ္မတဒေါ်နယ် ထရမ့်က အမေရိကန်နိုင်ငံခြားရေးဝန်ကြီးဌာနရုံးမှာ ဖေဖော်ဝါရီ(၆)ရက်ကပြောပါတယ်။

အိုင်အက်စ်တွေရဲ့နယ် မြေတွေကုန်သွားပြီလို့ အဲဒီအစွန်းရောက်အဖွဲ့ကိုဆီးရီးယားနဲ့အီရတ်နိုင်ငံတို့ကနေတိုက်ထုတ်ရာမှာအမေရိကန်နဲ့တစိုက်မတ်မတ်ပါဝင်ခဲ့တဲ့ နိုင်ငံ(၇၉)နိုင်ငံကနိုင်ငံခြားရေးဝန်ကြီးတွေနဲ့ ထိပ်တန်းအရာရှိကြီးတွေကိုပြောပါတယ်။ အဲဒီနိုင်ငံတွေထဲမှာတူရကီ၊ ပြင်သစ်၊ ဆော်ဒီအာရေဗျ၊ ဂျော်ဒန်၊ မော်ရိုကိုနဲ့ အီရတ်နိုင်ငံတို့လည်းပါဝင်ပါတယ်။ ပြီးခဲ့တဲ့ဒီဇင်ဘာတုန်းကအမေရိကန်တပ်ဖွဲ့တွေ ဆီးရီးယားမြေပေါ်မှာတပ်စွဲထားတဲ့တစ်ခုတည်းသောအကြောင်းရင်းဖြစ်တဲ့ အိုင်အက်စ်တွေကို အမေရိကန်ကအနိုင်တိုက်ခဲ့နိုင်တာကြောင့် တပ်ပြန်ရုတ်တော့မယ်လို့ ကြေညာခဲ့ပါတယ်။ အိုင်အက်စ်တွေကအီရတ်နဲ့ဆီးရီးယားကနယ်မြေတွေကိုသိမ်းပြီးအဲဒီနေရာတွေရဲ့အပြင်ဘက်တွေကိုပါတိုက်ခိုက်ခဲ့ပြီးနောက် (၂၀၁၄)ခုနှစ်မှာ နိုင်ငံ(၇၉)နိုင်ငံပါနေတဲ့အိုင်အက်စ်ဆန့်ကျင်ရေးညွှန့်ပေါင်းအဖွဲ့ကိုတည်ထောင်ခဲ့ပါတယ်။ 

 

 

Related News