ဗင်နီဇွဲလားမှာကျန်နေတဲ့သံအမှုထမ်းအားလုံးကို အမေရိကန်ကပြန်ခေါ်လိုက်ပေမဲ့ တခြားနည်းလမ်းတွေနဲ့ သံတမန်ဆက် ဆံရေးဆက်လုပ်နေဦးမယ်လို့ အမေရိကန်နိုင်ငံခြားရေးဝန်ကြီးကပြောပါတယ်။ဗင်နီဇွဲလားနိုင်ငံမှာကျန်နေတဲ့ အမေရိကန်ရဲ့သံအမှုထမ်းအားလုံးကို ပြန်ခေါ်လိုက်ပြီလို့ အမေရိကန်နိုင်ငံခြားရေးဝန်ကြီး မိုက် ပွန် ပီယိုက မတ်လ(၁၄)ရက်မှာ ကြေညာလိုက်ပါတယ်။ သံအမှုထမ်းတွေမရှိပေမဲ့ တခြားနည်းလမ်းတွေနဲ့ဆက်သွယ်နေဦးမယ်လို့ ပွန်ပီယိုကပြောတယ်ဆိုပြီး အမေရိကန်နိုင်ငံခြားရေးဝန်ကြီးဌာနရဲ့ထုတ်ပြန်ချက်မှာပါဝင်တာပါ။ ဗင်နီဇွဲလားနိုင်ငံမြို့တော်ကရာ ကတ်စ်မှာရှိတဲ့အမေရိကန်သံရုံးအပါအ၀င် ကျန်နေတဲ့အမေရိကန်ရဲ့သံတမန်ဆက်ဆံရေးအားလုံး ရုပ်သိမ်းသွားမယ်ဆိုတဲ့ဆုံး ဖြတ်ချက်ကို ပွန်ပီယိုကမတ်လ(၁၁)ရက်ညပိုင်းမှာ ကြေညာခဲ့တာပါ။

(၇၂)နာရီအတွင်း အမေရိကန်သံတမန်အားလုံးထွက်ခွာဖို့ ဗင်နီဇွဲလားအစိုးရကအမိန့်ပေးခဲ့ပါတယ်။ ဗင်နီဇွဲလားသမ္မတ ဒုတိယသက်တမ်းအတွက် မာဒူရိုကျမ်းကျိန်ပြီးနောက် ဇန်န၀ါရီ(၂၃) ရက်မှာ အတိုက်အခံခေါင်းဆောင် ဂျူအန်ဂွိုက်ဒိုကို ကြားဖြတ်သမ္မတအဖြစ် အမေရိကန်အသိအမှတ်ပြုခဲ့ပါတယ်။ ဂွိုက်ဒိုကို အ မေရိကန်က ထောက်ပံ့တဲ့အတွက် တုံ့ပြန်တဲ့အနေနဲ့ အမေရိကန်နဲ့ သံတမန်၊ နိုင်ငံရေးဆက်ဆံမှုတွေကို ဖြတ်တောက်နေတယ် လို့ မာဒူရိုကကြေညာခဲ့ပါတယ်။

 

 

 

Related News