အပူချိန်မြင့်လာတာနဲ့အမျှ တရုတ်နိုင်ငံမြောက်ပိုင်းဟီဘေးပြည်နယ်မှာဆောင်းခိုငှက်တွေကိုတွေ့နေရပါတယ်။ ကန်ကျိုးမြို့က နန်ဒါအန်းရေကန်မှာငန်းစိမ်းတွေ၊ ငန်းတွေနဲ့ ဝေသာလီဗျိုင်းတွေကိုတွေ့နေရတာပါ။ အဲဒီနေရာမှာပထမတန်းစားနိုင်ငံအဆင့်ကာကွယ်ထားတဲ့ ထိပ်နီကြိုးကြာတွေနဲ့ ကြိုးကြာတွေလို ငှက်မျိုးစိတ်(၂၀၀)ကျော်ကိုတွေ့ရပါတယ်။ ဒါ့အပြင် ဒုတိယတန်းစား နိုင်ငံအဆင့်ထိန်းသိမ်းထားတဲ့ နှုတ်သီးဝါငန်းတွေနဲ့ လည်ကုတ်ဖြူကြိုးကြာတွေကိုလည်းတွေ့ရတာပါ။ ချန်ဒူးမြို့က ၀ူလီမြစ်မှာလည်း တတိယတန်းစားနိုင်ငံတော်အဆင့်ထိန်းသိမ်းထားတဲ့ ဘဲခေါင်းစိမ်းတွေ အများကြီးရှိနေပြီး သူတို့ကတော့ ရေထဲမှာပေါက် တဲ့အပင်တွေများတဲ့ရေပြင်တွေမှာ အဓိကကျက်စားကြပါတယ်။ အဲဒီနေရာမှာ ရောက်နေတဲ့ဘဲတွေက ပြီးခဲ့တဲ့နှစ်တွေအတွင်း ပမာဏအများဆုံးဖြစ်ပါတယ်။ ကောင်းကင်မှာ ငှက်တွေထောင်နဲ့ ချီပြီးရှိနေတော့ ကြည့်ရတာလှနေတယ်လို့ အဲဒီနေရာမှာငှက်တွေ ကို ဓာတ်ပုံလာရိုက်တဲ့ ဓာတ်ပုံဆရာတစ်ယောက်က ပြောပါတယ်။

 

 

Related News