မလေးရှားနိုင်ငံ၊ ဂျိုဟာ ပြည်နယ်မှာ ဓာတုညစ်ညမ်းမှုတွေဖြစ်နေတဲ့အတွက် ကျောင်း(၁၁၁)ကျောင်းကိုပိတ်ထားရပါတယ်။ မစန္ဒာက တင်ဆက်ပေးပါမယ်။
မလေးရှားနိုင်ငံ၊ ဂျိုဟာပြည်နယ်မှာ ဓာတုညစ်ညမ်းမှုတွေဖြစ်နေတဲ့အတွက် ကျောင်း(၁၁၁)ကျောင်းကို မတ်လ(၁၅)ရက်က မ လေးရှား အာဏာပိုင်တွေက ပိတ်ခဲ့ပါတယ်။ ဂျိုဟာပြည်နယ်က ပါစီရာဂူဒန်ခရိုင်မှာ ဓာတုညစ်ညမ်းမှုစဖြစ်ရာကတစ်ဆင့် ကျောင်းတွေပိတ်ခဲ့ရတာပါ။ ညစ်ညမ်းနေတဲ့ဓာတုပစ္စည်းတွေနဲ့ထိတွေ့ခဲ့တဲ့အတွက် အသက်ရှူကြပ်ခြင်း၊ မူးဝေအော့အန်တဲ့ ရောဂါလက္ခ ဏာတွေဖြစ်ခဲ့လို့ လူအနည်းဆုံး (၈၆၉)ဦးကိုဆေးရုံကိုပို့ပေးခဲ့ပါတယ်။ ပါစီရာဂူဒန်ခရိုင်မှာ ရေနံဓာတု စက်ရုံတွေ၊ စားအုန်းဆီ စက်ရုံတွေနဲ့ အကြီးစားစက်မှုလုပ်ငန်းတွေ ရှိနေပါတယ်။ မီသိန်းဓာတ်ငွေ့ပါတဲ့ဓာတုပစ္စည်းတွေကိုမတ်လ (၆)ရက်ကမြစ်ထဲစွန့်ပစ်တာနဲ့ အပူချိန်မြင့်မားတာတွေကအဆိပ်ငွေ့တွေ ဖြစ်စေခဲ့တာပါ။ ဒေသခံ(၂၀၀)ကျော်က အဆိပ်ငွေ့တွေရှူမိခဲ့တယ်လို့ယူဆရတဲ့ ရောဂါတွေခံစားနေရပါတယ်။ အခုဖြစ်ရပ်ကြောင့် မလေးရှား အစိုးရက အရေးပေါ်စင်တာတစ်ခုဖွင့်ခဲ့ပြီး  မီးသတ်သမားတွေ၊ ဆေး ဘက်ဆိုင်ရာနဲ့ ကာကွယ်ရေးဋ္ဌာနတွေက ကယ်ဆယ်ရေးသမားတွေက စောင့်ရှောက်နေပါတယ်။ အဆိပ်ငွေ့ရှူမိခြင်းရှိ၊ မရှိကိုလာ ရောက်စစ်ဆေးတဲ့လူပေါင်း နေ့စဉ်(၄၀၀)နီးပါး ရှိနေတယ်လို့  မလေးရှားအာဏာပိုင် တွေက ပြောပါတယ်။ မလေးရှားအစိုးရက မြစ်ထဲမှာဓာတုပစ္စည်းတွေမစွန့်ပစ်ဖို့ စက်မှုလုပ်ငန်း(၄)ခုကိုသတိပေးထားပါတယ်။

 

 

Related News