ပြီးခဲ့တဲ့(၂၀၁၈)ခုနှစ်၊ အောက်တိုဘာလမှာစတင်ခဲ့တဲ့ တုပ်ကွေးရာသီအတွင်း တုပ်ကွေးနဲ့ဆက်စပ်တဲ့ရောဂါအများစုကြောင့် လက်ရှိမှာသေဆုံးသူ(၁၁၈)ဦးရှိလာပြီလို့ ဂရိရောဂါထိန်းချုပ်ရေးနှင့် ကာကွယ်ရေးစင်တာ(HCDCP)က မတ်လ(၁၄)ရက်မှာ ပြော ပါတယ်။ တုပ်ကွေးရောဂါဖြစ်ပွားမှုနှုန်းနည်းလာပေမဲ့ မတ်လ(၄)ရက်ကနေ (၁၀)ရက်အထိတုပ်ကွေးဗိုင်းရပ်စ်ရောဂါပိုးကြောင့် နောက်ထပ်(၇)ဦးသေဆုံးခဲ့ပါတယ်။ တုပ်ကွေးဖြစ်နေတဲ့ လူနာ(၁၀၅)ဦးကတော့ အထူးကြပ်မတ်စောင့်ရှောက်မှုနဲ့ ကုသမှုခံယူ နေရဆဲပါ။

မတ်လအစောပိုင်းက အရေးပေါ်ဌာနမှာ ကုသမှုခံယူနေသူ(၃၀၅)ဦးရှိခဲ့ပြီး လူ(၁၅)ဦးကိုပဲ ကာကွယ်ဆေးထိုးနိုင်ခဲ့ ပါတယ်။ ဂရိမှာလူ(၂.၅)သန်းကိုတုပ်ကွေးကာကွယ်ဆေးထိုးထားနိုင်ပေမဲ့ ရောဂါကူးစက်မှုများတဲ့အချိန်မှာ ကာကွယ်ဆေးထိုး ထားသူ(၇၅)ရာခိုင်နှုန်းရှိရမယ်ဆိုတဲ့ ကမ္ဘာ့ကျန်းမာရေးအဖွဲ့(W.H.O)ရဲ့သတ်မှတ်ချက်ပြည့်မီအောင် ဂရိနိုင်ငံက ရုန်းကန်နေရ တုန်းလို့ HCDCPဥက္ကဋ္ဌ သီယိုဖိုးလစ်စ် ရိုဇန်ဘာ့ဂ်ျကပြောပါတယ်။ အခုနှစ်ဧပြီလအထိ တုပ်ကွေးရာသီ ဆက်ဖြစ်နေဦးမယ်လို့ HCDCPက ခန့်မှန်းနေပြီး HCDCPက ပါမောက္ခ ဆိုတီရစ် ဆီယိုရာ့စ်ရဲ့ပြောကြားချက်အရ ဂရိမှာဖြစ်နေတဲ့တုပ်ကွေးအမျိုးအ စားက Bပဲဖြစ်တာလို့ သိရပါတယ်။

 

 

Related News