အီးယူကနေနုတ်ထွက်ဖို့အကြပ်အတည်းတွေ့နေတဲ့ဗြိတိန်အတွက် နုတ်ထွက်မယ့်အချိန်နောက်ဆုတ်ဖို့ဥပဒေကိုဘုရင်မကြီးအယ်လိဇဘတ်ကအတည်ပြုပေးလိုက်လို့ ထွက်ပေါက်တစ်ခုရခဲ့ပါပြီ။ဗြိတိန်လွှတ်တော်နှစ်ရပ်စလုံးကအတည်ပြုပေးလိုက်တဲ့ဥရောပသမဂ္ဂ(အီးယူ)ကနေနုတ်ထွက်ဖို့ အချိန်ရွှေ့ဆိုင်းတဲ့ဥပဒေကြမ်းကိုဘုရင်မကြီးအယ်လိဇဘတ်ကတနင်္လာနေ့မှာသဘောတူကြောင်းထုတ်ပြန်ခဲ့လိုက်လို့ အဲဒီဥပဒေကြမ်းကိုဥပဒေအဖြစ် အတည် ပြုလိုက်နိုင်ပါပြီ။ ဒါကြောင့် အီးယူကနေသဘောတူညီချက်မရှိဘဲနုတ်ထွက်ဖို့ထက် အချိန်ထပ်တိုးပေးဖို့ ၀န်ကြီးချုပ်ထရီစာမေ က အီးယူကိုတောင်းဆိုရတော့မှာပါ။

ပြီးခဲ့တဲ့တစ်ပတ်တုန်းက နိုင်ငံရေးပါတီတွေပူးပေါင်းတင်သွင်းခဲ့တဲ့အဲဒီအဆိုကိုအောက် လွှတ်တော်ကတစ်ရက်ထဲနဲ့ အတည်ပြုပေးခဲ့ပြီးတနင်္လာနေ့တုန်းကအထက်လွှတ်တော်ကလည်းအတည်ပြုပေးခဲ့ပါတယ်။ ဥပဒေပါသတ်မှတ်ချက်သစ်တွေအရလွှတ်တော်အမတ်တွေအနေနဲ့ အီးယူကနုတ်ထွက်မယ့်လုပ်ငန်းစဉ်အတွက် အချိန်ဘယ် လောက်အထိ ရွှေ့ဖို့တောင်းဆိုသင့်တယ်ဆိုတာ ၀န်ကြီးချုပ်ကိုပြောနိုင်ပေမဲ့  အီးယူဘက်ကအတည်ပြုတဲ့ရက်ကိုအငြင်းပွားခွင့် မရှိသလို ၀န်ကြီးချုပ်ကိုနောက်တစ်ကြိမ်ထပ်တောင်းဆိုခိုင်းခွင့်လည်း မရှိပါဘူး။ အခုတစ်ပတ်သောကြာနေ့မှာ ဗြိတိန်ကအီးယူကနေနုတ်ထွက်ဖို့ အချိန်ပြည့်မှာပါ။

ဝန်ကြီးချုပ်မေကဇွန်(၃၀)ရက်အထိ နုတ်ထွက်မယ့်အချိန်ကိုနောက်ရွှေ့စေချင်ပေမဲ့ အီးယူဘက်ကတော့ သူသဘောတူချင်ပုံမရတဲ့ အချိန်ပိုကြာကြာပေးဖို့ ရှိနေပါတယ်။ ဒီနေ့မှာမေကဘာလင်နဲ့ပဲရစ်မြို့တို့ကိုသွားပြီး ဂျာမနီဝန်ကြီးချုပ် အန်ဂျလာမာကယ်နဲ့ ပြင်သစ်သမ္မတအီမန်နျူရယ် မက်ခရွန်တို့နဲ့ အချိန်နောက်ဆုတ်မယ့်ကိစ္စအတွက် ဆွေး နွေးခဲ့ပါတယ်။ တကယ်လို့ အီးယူကသာမေရဲ့တောင်းဆိုချက်ကို ငြင်းမယ်ဆိုရင် ဗြိတိန်ဟာအခုတစ်ပတ်သောကြာနေ့မှာဘာသဘောတူညီချက်မှမရှိဘဲနဲ့ အီးယူကနေနုတ်ထွက်ရမှာပါ။ မနက်ဖြန်မှာတော့ နုတ်ထွက်မယ့်နေ့ကိုနောက်ဆုတ်မလားဆိုတာကိုအီးယူခေါင်းဆောင်တွေတွေ့ဆုံဆွေးနွေးဖို့ရှိပါတယ်။

 

 

 

 

Related News