အစ္စရေးအထွေထွေရွေးကောက်ပွဲမှာ ၀န်ကြီးချုပ်“ဘန်ဂျမင် နေတန်ညာဟု”နဲ့ အစ္စရေးအငြိမ်းစားဗိုလ်ချုပ်ကြီး“ဘန်နီဂန့်ဇ်”တို့ရဲ့ပါတီတွေကမဲပိုရနေပေမဲ့ ဘယ်သူအနိုင်ရတယ်ဆိုတဲ့ရလဒ်ကတော့ မပြတ်သားသေးပါဘူး။အင်္ဂါနေ့ကကျင်းပခဲ့တဲ့အစ္စရေးအထွေထွေရွေးကောက်ပွဲမှာ အစ္စရေးဝန်ကြီးချုပ် ဘန်ဂျမင် နေတန်ညာဟုနဲ့ အစ္စရေးအငြိမ်းစားဗိုလ်ချုပ်ကြီးဘန်နီဂန်ဇ့်တို့ရဲ့ပါတီတွေကမဲအများစုရနေပေမဲ့ အစောပိုင်းရလဒ်တွေအရမဲအများစုရေတွက်ပြီးချိန်မှာရလဒ်ပြတ် ပြတ်သားသားမထွက်သေးပါဘူး။ ရွေးကောက်ပွဲအတွက် မဲပေးနိုင်တဲ့အချိန်အပြီးညဦးပိုင်းမှာအစ္စရေးရုပ်သံလိုင်း(၃)လိုင်းကမဲရလဒ်တွေထုတ်ပြန်ပေမဲ့ ရလဒ်တွေမတူခဲ့ပါဘူး။ အစ္စရေးဝန်ကြီးချုပ်အဖြစ် ကာလအတော်ကြာတာဝန်ယူထားတဲ့ နေတန်ညာဟုကိုအနိုင်ခဲ့တယ်ဆိုပြီးဂန့်ဇ်ကထုတ်ပြောပါတယ်။ အစ္စရေးရုပ်သံ Channel 12 TV newsသတင်းမှာတော့ ဂန့်ဇ်ကအစ္စရေးလွှတ်တော်မှာအမတ်နေရာ(၃၇)နေရာအနိုင်ရခဲ့ပြီးနေတန်ညာဟုကတော့ နေရာ(၃၃)နေရာကိုပဲရထားတယ်လို့ ဖော်ပြခဲ့ပါတယ်။ နေတန်ညာဟုကလည်းသူအနိုင်ရခဲ့တယ်ဆိုပြီးပြောထားသလိုအစ္စရေးလွှတ်တော်မှာလက်ယာယိမ်းပါတီတွေပိုအနိုင်ရတယ်လို့ လည်းပြောထားတာပါ။ အမတ်နေရာ(၁၂၀)ရှိတဲ့ အစ္စရေးလွှတ်တော်မှာအစိုးရအဖွဲ့ဖွဲ့ဖို့ အနည်းဆုံးအမတ်နေရာ(၆၁)နေရာရထားဖို့လိုအပ်ပါတယ်။

 

 

Related News