အခုလလယ်ပိုင်းကမီးလောင်ခဲ့တဲ့ပြင်သစ်နိုင်ငံကသက်တမ်းရင့်ခရစ်ယာန်ဘုရားကျောင်းဟာ ပြိုကျနိုင်တဲ့အခြေအနေရှိနေပြီး (၅)နှစ်အတွင်းအပြီးပြန်ဆောက်မယ်လို့ကတိပြုထားတဲ့ပြင်သစ်သမ္မတရဲ့ကတိက၀တ်ဟာလည်း ဖြစ်မလာနိုင်ဘူးလို့ အမွေအနှစ်ဆိုင်ရာ ဗိသုကာပညာရှင်တွေကပြောပါတယ်။ပြင်သစ်နိုင်ငံကသက်တမ်းနှစ်(၈၅၀)ကျော်ရှိနေတဲ့နော်တာဒိန်းခရစ်ယာန်ဘုရားကျောင်းကိုအခုလလယ်ပိုင်းကမီးလောင်ခဲ့ပြီးတဲ့နောက် အဲဒီဘုရားကျောင်းဟာ ပြိုကျနိုင်တဲ့အခြေအနေရှိနေတယ်လို့ အမွေအနှစ်ဆိုင်ရာဗိသုကာပညာရှင်တွေကသတိပေးနေပါတယ်။ မီးဒဏ်ခံခဲ့ရတဲ့နံရံတွေကခံနိုင်ရည်(၂၀)ရာခိုင်နှုန်းလောက်ကုန်သွားပြီလို့ ပြင်သစ်ရှေးဟောင်းအဆောက်အအုံဌာန က အမွေအနှစ်ဆိုင်ရာဗိသုကာပညာရှင် အာဆူလာ ဘျူဆိုကပြောပါတယ်။ မတူတဲ့အစိတ်အပိုင်းတွေပေါင်းထားတဲ့အဆောက် အအုံကအလေးချိန်ကိုအာမမခံနိုင်တော့ဘူးလို့ အဲဒီဌာနကနောက်ထပ်ဗိသုကာဆိုင်ရာပညာရှင်တစ်ယောက်ဖြစ်တဲ့ မာရီအမ်မလီတက်ကပြောပါတယ်။

(၂၀၂၄)ပဲရစ်အိုလံပစ်နဲ့တစ်ချိန်တည်းဖြစ်မယ့် လာမယ့်(၅)နှစ်မှာအဲဒီဘုရားကျောင်းကြီးကိုအပြီးဆောက်မယ်လို့ ပြင်သစ်သမ္မတအီမန်နျူုရယ် မက်ခရွန်က ပြီးခဲ့တဲ့တစ်ပတ်မှာကတိပြုခဲ့ပေမဲ့ အဲဒီကတိကရည်ရွယ်ချက်ကင်းမဲ့နေနိုင်တယ်လို့ဘျူဆိုကသုံးသပ်ပါတယ်။ လက်ရှိဘုရားကျောင်းပြင်ဆင်ရေးလုပ်နေကြတဲ့အတွေ့အကြုံရင့်အင်ဂျင်နီယာတွေတောင် အဲဒီမေးခွန်းကိုမဖြေနိုင်ကြတဲ့အတွက် ဘုရားကျောင်းကို (၅)နှစ်အတွင်း ပြန်ဆောက်ဖို့ဆိုတာသူ့အတွက်တော်တော်ရှုပ်တဲ့ကိစ္စလို့လည်းတက်ကပြောပါတယ်။ သမ္မတမက်ခရွန်ဖြစ်စေချင်တဲ့အချိန်ထက် လုပ်ငန်းတွေကပိုကြာနိုင်ပေမဲ့ မီးလောင် ပြီးရက်ပိုင်းအတွင်းမှာတင် ယူရိုငွေသန်းတစ်ထောင်ကျော်အလှူငွေရထားပြီးလာမယ့်သီတင်းပတ်တွေမှာအလှူငွေပမာဏပိုများလာနိုင်ချေရှိနေပါတယ်။

 

 

Related News