ဗင်နီဇွဲလားသမ္မတက အဆိုပြုထားတဲ့ အထူးနေရပ်ပြန်ရေးအစီအစဉ်ကြောင့် (၈)လအတွင်း ဗင်နီဇွဲလားနိုင်ငံကို နိုင်ငံသား (၅)သောင်းကျော် ပြန်လာခဲ့ပါတယ်။ အထူးနေရပ်ပြန်အစီအစဉ်ကြောင့် (၈)လအတွင်း နိုင်ငံသား(၅)သောင်းကျော် နေရပ်ပြန်လာခဲ့တယ်လို့ ဗင်နီဇွဲလားနိုင်ငံခြားရေး ၀န်ကြီးဌာနက ထုတ်ပြန်တဲ့နောက်ဆုံးရအချက်အလက်တွေအရသိရပါတယ်။ ပြန်လာတဲ့လူတွေထဲက (၆၀)ရာခိုင်နှုန်းက အမျိုး သမီးတွေဖြစ်ပြီး (၃၀)ရာခိုင်နှုန်းက ကလေးတွေဖြစ်တယ်လို့ တနင်္ဂနွေနေ့မှာ ဗင်နီဇွဲလားမီဒီယာတွေကဖော်ပြပါတယ်။ ဗင်နီဇွဲ လားရဲ့ အိမ်နီးချင်း အာဂျင်တီးနား၊ ပီရူးနဲ့ အီကွေဒေါနိုင်ငံတွေကို ရွှေ့ပြောင်းခဲ့တဲ့ဗင်နီဇွဲလားနိုင်ငံသားတွေဟာ ခွဲခြားဆက်ဆံခံရတာ (ဒါမှမဟုတ်) သူတို့ရဲ့နိုင်ငံသားမဟုတ်တဲ့ အတွက် မမျှမတဆက်ဆံခံရတာတွေရှိခဲ့လို့ သူတို့တွေ နေရပ်ပြန်လာဖို့ လွယ်ကူ ချောမွေ့တဲ့အစီအစဉ်ကို ဗင်နီဇွဲလားသမ္မတ နီကိုလပ်စ် မာဒူရိုကအဆိုပြုခဲ့တာပါ။ နေရပ်ပြန်အစီအစဉ်ကို လျှောက်ထားသူတွေ အနေနဲ့ ဗင်နီဇွဲလားကိုပြန်မယ်ဆိုရင် လေယာဉ်အခမဲ့စီးခွင့်ပေးမယ်လို့ ဗင်နီဇွဲလားအစိုးရကပြောပါတယ်။ အမေရိကန်နဲ့ တခြား နိုင်ငံတွေရဲ့ ပိတ်ဆို့မှုတွေကိုခံနေရတဲ့ ဗင်နီဇွဲလားနိုင်ငံဟာ စီးပွားရေးကျဆင်းမှု၊ အစားအစာ၊ ဆေးဝါးပြတ်တောက်မှုတွေနဲ့ ရင်ဆိုင်နေရပါတယ်။

 

 

 

 

Related News