တရုတ်- မြန်မာလျှပ်စစ်ကုန်စည်ပြပွဲကို မေလ (၂၆)ရက်မှ (၂၈)ရက်အထိ ရန်ကုန်မြို့၊ သာကေတမြို့နယ်ရှိ Fortune Plaza မှာပြုလုပ်သွားမှာဖြစ်တယ်လို့ မေလ (၂၀)ရက်က ရန်ကုန်မြို့ရှိ Grand Mercuer Hotel မှာပြုလုပ်ခဲ့တဲ့ တရုတ်- မြန်မာလျှပ်စစ် ကုန်စည်ပြပွဲနဲ့ ပတ်သက်တဲ့ သတင်းစာရှင်းလင်းပွဲကို သိရပါတယ်။ တရုတ်- မြန်မာလျှပ်စစ်ကုန်စည်ပြပွဲကို ပထမဆုံးအကြိမ်အဖြစ် ကျင်းပပြုလုပ်သွားမှာဖြစ်ပြီး တရုတ်နိုင်ငံရှိ လျှပ်စစ်ပစ္စည်းလုပ်ငန်းရှင် (၂၀၀)ကျော်က အမျိုးအစားပေါင်း (၂)သောင်းကျော်ကို ပါဝင်ပြသသွားမှာဖြစ်ပါတယ်။ ဒီပြပွဲကတစ်ဆင့် အရောင်းကိုယ်စားလှယ်ယူလိုသူတွေ ဖြန့်ချိရေးကိုယ်စားလှယ်ယူလိုသူတွေအနေနဲ့ စက်ရုံတွေနဲ့ တိုက်ရိုက်ချိတ်ဆက်နိုင်သလို အမျိုးအစားတစ်ခုချင်းစီအလိုက် ၀ယ်ယူလိုသူတွေ အတွက်ကိုလည်း လျော့ဈေးတွေနဲ့ ရောင်းချပေးသွားမယ်လို့ သိရပါတယ်။ ပြပွဲမှာ ဂတ်စ်မီးဖို၊ဘီရို၊ ထမင်းပေါင်းအိုး၊ မီးဖိုချောင်သုံးကိရိယာများ၊ ရေပူရေအေးစက်၊ ရေချိုးခန်းအသုံးအဆောင်များ၊ မီးကြိုးများ၊ ရေသန့်စက်များစတဲ့ ပစ္စည်းတွေကိုပြသပေးသွားမှာဖြစ်တယ်လို့ သိရပါတယ်။

ဒီပြပွဲကိုတော့ ပစ္စည်းထုတ်လုပ်သူများနဲ့ ဖြန့်ဖြူးရောင်းချသူများအတွက် ကုန်ပစ္စည်းများပြသနိုင်ရန်၊ ညှိနှိုင်းဆွေးနွေးနိုင်ရန်၊ ပူးပေါင်းဆောင်ရွက်နိုင်ဖို့နဲ့ ကုန်သွယ်မှု ပလပ်ဖောင်း ဖန်တီးနိုင်ဖို့ပြုလုပ်တာလို့ သိရပါတယ်။ 

 

Related News