အီတလီနိုင်ငံ၊ စစ္စလီကျွန်းပေါ်ကမူဆိုမီလီမြို့မှာ ဒေသစီးပွားရေးပြန်အသက်ဝင်လာဖို့ အိမ်ဟောင်းတွေကို လျှော့ဈေးနဲ့ ရောင်းချနေပါတယ်။မူဆိုမီလီမြို့မှာလူ(၁၁၀၀၀)လောက်ပဲနေထိုင်ကြတာပါ။ (၂၀၁၇)ခုနှစ်ကစပြီးအဲဒီမြို့က အိမ်တစ်လုံးကိုယူရိုငွေတစ်ယူရို(မြန် မာကျပ်ငွေ ၁၇၀၀ကျော်)နဲ့ရောင်းချနေပါတယ်။ ၀ယ်ဖို့ကမ်းလှမ်းတာတွေနဲ့စုံစမ်းတာတွေကိုဖြေရှင်းနိုင်ဖို့ အေဂျင်ဇီယာအင်မိုဘေလာစစ္စလီယာနာအေဂျင်စီကိုလည်းတည်ထောင်ထားပါတယ်။ အိမ်ဝယ်မယ်ဆိုရင်တော့ ၀ယ်လက်က မြို့အုပ်ချုပ်ရေးအဖွဲ့ကိုယူရိုငွေ(၅၀၀၀)(မြန်မာကျပ်ငွေ ၈၅သိန်းကျော်)အာမခံငွေပေးထားရပြီး (၃)နှစ်အတွင်းအိမ်ကိုပြုပြင်သွားမယ်လို့လည်းသဘောတူညီချက်မှာလက်မှတ်ထိုးရပါတယ်။

ဒါ့အပြင် ၀ယ်မယ်လို့သဘောတူပြီးရင် အုပ်ချုပ်ရေးအဖွဲ့ကိုပွဲစားခယူရို(၄၀၀)(မြန်မာကျပ် ငွေ ၇သိန်းနီးပါး)နဲ့ ရှေ့နေခ၊ စာရွက်စာတမ်းခတို့ကိုလည်းပေးရမှာပါ။ အဲဒီအစီအစဉ်စပြီးကတည်းကအိမ်(၄၀၀)ကျော်ရောင်းရ ပြီးပြီလို့ အေဂျင်စီကပြောပါတယ်။ ၀ယ်မယ်ဆိုရင် အိမ်ကိုချက်ချင်းလာရမှာဖြစ်ပြီးစာချုပ်သက်တမ်းနှစ်(၂၀)ရလို့ ၀ယ်လက်အ များစုကကဘယ်ဂျီယံ၊ ပြင်သစ်၊ နယ်သာလန်နဲ့ တခြားဥရောပနိုင်ငံတွေကပါ။ 

ပိုဖွံ့ဖြိုးပြီးအလုပ်အကိုင်အခွင့်အလမ်းပိုပေါတဲ့နေရာတွေကိုလူငယ်တွေရွှေ့ပြောင်းသွားလို့ (၁၉၅၀)ပြည့်နှစ်လောက်မှာလူဦးရေ(၁၅၀၀၀)လောက်နေထိုင်တဲ့အဲဒီမြို့မှာလူ(၃)ပုံ (၂)ပုံလောက်လျော့သွားတယ်လို့ မြို့အုပ်ချုပ်ရေးမှူး ဂျူဆက်ပီဆီဘတ်ရှီယာနိုကတ်တာနီယာကပြောပါတယ်။

ဥရောပနိုင်ငံတွေထဲမှာအိမ်တစ်လုံးဆောက်ဖို့ဆိုရင် ယူရို(၁၀၀၀၀၀)(မြန်မာကျပ်ငွေ သိန်း၁၇၀၀ကျော်) ကနေ(၈၅၀၀၀၀)(မြန်မာကျပ်ငွေ သိန်းပေါင်း၁၄၅၀၀)လောက်ရှိနေတဲ့အချိန်မှာအဲဒီမြို့မှာ ပြင်ဆင်ပြီးတဲ့အိမ်တစ်လုံးဈေးကယူရို(၈၀၀၀၀)(မြန်မာကျပ်ငွေသိန်း ၁၃၅၀လောက်ပဲရှိပြီး နှစ်(၂၀)လောက်နေနိုင်တယ်လို့ ဘရပ်ဆဲလ်မြို့ကနေမူဆိုမီလီမှာ အိမ်ဝယ်ပြီးနေထိုင်သူပတ်ထရစ်ကပြောပါတယ်။ (၂၀၁၇)ခုနှစ်မှာဈေးလျှော့ရောင်းတဲ့အစီအစဉ်စပြီးနောက် (၂၀၁၈)ခုနှစ်မှာမူဆိုမီလီရဲ့ခရီးသွားလုပ်ငန်းကနေအမြတ် ငွေယူရို(၁)သန်း(မြန်မာကျပ်ငွေ သန်း၁၇၀၀)လောက်ရှိခဲ့တယ်လို့ ဒေသတွင်းမီဒီယာတွေမှာဖော်ပြပါတယ်။

 

Related News