ဗင်နီဇွဲလားနိုင်ငံရဲ့လက်ရှိနိုင်ငံရေး၊ စီးပွားရေးနဲ့ လူထုကြားကဆူပူမှုတွေကိုဖြေရှင်းဖို့ ငြိမ်းချမ်းရေးဆွေးနွေးပွဲလိုအပ်နေတယ်လို့ ဗင်နီဇွဲလားဗဟိုတက္ကသိုလ်က တွဲဖက်ပါမောက္ခဖီးလစ် အရီလာနိုကပြောပါတယ်။ အကြမ်းဖက်မှုတွေက ဘယ်ပြဿနာကိုမှ ဖြေရှင်းနိုင်မှာမဟုတ်ဘူးလို့လည်း တရုတ်နိုင်ငံပိုင်CCTVရုပ်သံနဲ့ပြုလုပ်တဲ့တွေ့ဆုံမေးမြန်းမှုမှာ အရီလာနိုကပြောပါတယ်။ ဗင်နီဇွဲ လားနိုင်ငံကပါတီတွေအားလုံးအတူအကွစည်းလုံးပြီး နိုင်ငံတကာအသိုက်အ၀န်းကနေ အကူအညီတောင်းခံမယ့်ဆွေးနွေးပွဲလုပ်ဖို့ လိုအပ်နေတယ်လို့လည်း အရီလာနိုကယူဆနေတာပါ။ နိုင်ငံတကာအသိုက်အ၀န်းက အထောက်အပံ့တွေဟာအလွန်အရေး ပါပြီး အပြန်အလှန်ဆွေးနွေးမှုတွေအတွက် ပါတီတွေအားလုံးပူးပေါင်းဖို့လိုအပ်တဲ့အပြင် ငြိမ်းချမ်းရေးနည်းလမ်းနဲ့သာ ဗင်နီဇွဲလား ရဲ့ပြဿနာတွေကိုဖြေရှင်းနိုင်မှာဖြစ်တယ်လို့ အရီလာနိုကပြောပါတယ်။ အခုနှစ်ဇန်န၀ါရီ(၂၃)ရက်မှာ ဗင်နီဇွဲလားအတိုက်အခံ ခေါင်းဆောင် ဂျူအန် ဂွိုက်ဒိုက သူ့ကိုယ်သူဗင်နီဇွဲလားကြားဖြတ်သမ္မတလို့ကြေညာခဲ့ပြီး အဲဒီကြေညာမှုကိုအမေရိကန်အပါအ၀င် နောက်ထပ်နိုင်ငံတချို့ကအသိအမှတ်ပြုလိုက်ချိန်ကတည်းက ဗင်နီဇွဲလားနိုင်ငံဟာ နိုင်ငံရေးအကျပ်အတည်းထဲကိုရောက်ရှိခဲ့ပါတယ်။

 

 

Related News