ဗြိတိန်မှာ ၀န်ကြီးချုပ်သစ်ရွေးကောက်တင်မြှောက်ဖို့ ရှိနေချိန်မှာပဲဥရောပသမဂ္ဂ(အီးယူ)ကနေဗြိတိန်နုတ်ထွက်ရေးအတွက် ပြန်ဆွေးနွေး ညှိနှိုင်းသွားဖို့မရှိဘူးလို့ ဥရောပကော်မရှင်ပြောခွင့်ရသူက ပြောပါတယ်။ ဗြိတိန်မှာ ၀န်ကြီးချုပ်သစ်ရွေးကောက်တင်မြှောက်ဖို့ရှိနေပေမဲ့ လက်ရှိဆွေးနွေးပြီးသားအီးယူကနေဗြိတိန်နုတ်ထွက်ရေး သဘောတူညီချက်တွေပြောင်းသွားမှာမဟုတ်ဘူးလို့ ဥရောပကော်မရှင်ပြောခွင့်ရသူကအင်္ဂါနေ့မှာဘရပ်ဆဲလ်မြို့မှာ ကျင်းပတဲ့ သတင်းစာရှင်းလင်းပွဲမှာပြောပါတယ်။ နုတ်ထွက်မယ့်ကိစ္စအတွက် အီးယူက ဗြိတိန်ကိုပိုကောင်းတဲ့အခြေအနေတွေဖန်တီး မပေးရင် လာမယ့်နှစ်တွေထဲမှာအရစ်လိုက်ပြန်ပေးရမယ့်နုတ်ထွက်ကြေးပေါင်(၃၉)ဘီလီယံကိုမပေးတော့ဘူးလို့ ဗြိတိန်ဝန်ကြီး ချုပ်နေရာဆက်ခံရဖို့ရေပန်းစားနေတဲ့နိုင်ငံခြားရေးဝန်ကြီးဟောင်းဘိုးရစ် ဂျွန်ဆင်က ပြီးခဲ့တဲ့ရက်တွေမှာပြောခဲ့လို့ အခုလိုတုံ့ပြန် ခဲ့တာပါ။

ငွေကြေးဟာအပေးအယူကောင်းတစ်ခုလုပ်ဖို့ အကောင်းဆုံးနည်းလမ်းဖြစ်ပြီးအဆင်ပြေအောင်လုပ်ပေးမယ့် အရာလို့ ဂျွန်ဆင်က ပြောတာပါ။ အီးယူဘက်ကတော့ ပြန်ညှိနှိုင်းသွားမှာမဟုတ်ဘူးလို့ ဥရောပကော်မရှင်ပြောခွင့်ရသူမာဂါရီတစ်စ် ရှီနာ ကထောက် ပြခဲ့ပါတယ်။

တစ်ချိန်တည်းမှာပဲ ပြင်သစ်နဲ့ဂျာမနီနိုင်ငံတို့ရဲ့ခေါင်းဆောင်တွေကလည်း နုတ်ထွက်ရေးပြန်ဆွေးနွေး သွားမှာမဟုတ် ဘူးလို့ ပြောပါတယ်။ တကယ်လို့ ဗြိတိန်က နုတ်ထွက်ကြေးမပေးနိုင်ဘူးဆိုရင် နိုင်ငံရဲ့အချုပ်အခြာ အာဏာကို ထိခိုက်မယ့်ဖြစ်ရပ် လို့ ပြင်သစ်သမ္မတအီမန်နျူရယ် မက်ခရွန်နဲ့နီးစပ်တဲ့သတင်းရင်းမြစ်တစ်ယောက်က ပြောပါတယ်။

 

Related News