အီလက်ထရောနစ်စွန့်ပစ်ပစ္စည်းတွေဟာ သဘာဝပတ်ဝန်းကျင်အတွက်စိုးရိမ်စရာကောင်းတဲ့ခြိမ်းခြောက်မှုတစ်ခုဖြစ်လို့ အီလက်ထရောနစ်စွန့်ပစ်ပစ္စည်းတွေကိုရှင်းလင်းဖို့ အိန္ဒိယပုဂ္ဂလိကလုပ်ငန်းရှင်တွေကပစ်မှတ်ထားနေပါတယ်။ အိန္ဒိယနိုင်ငံဟာကမ္ဘာပေါ်ကအီလက်ထရောနစ်ပစ္စည်းစွန့်ပစ်မှု ပဉ္စမမြောက်အများဆုံးနိုင်ငံဖြစ်ပြီးမိုဘိုင်းဖုန်းတွေ၊ လက်ပတော့ တွေနဲ့ လုပ်ငန်းသုံးကွန်ပျူတာတွေလိုလျှပ်စစ်ပစ္စည်းတွေကိုဘယ်လိုစီမံခန့်ခွဲရမလဲဆိုတာကိုနားလည်တဲ့လူကတော့ နည်းပါးနေပါတယ်။ အီလက်ထရောနစ်စွန့်ပစ်ပစ္စည်းတွေကိုစီမံခန့်ခွဲပြီးကိုင်တွယ်ဖြေရှင်းနေတဲ့ ဒေ့ခ်ျဝယ်လ်စွန့်ပစ်ပစ္စည်းစီမံခန့်ခွဲမှုကုမ္ပဏီကို (၂၀၁၁)ခုနှစ်မှာတည်ထောင်ခဲ့ပြီးအီလက်ထရောနစ်စွန့်ပစ်ပစ္စည်းတွေကကုမ္ပဏီကြီးတွေအတွက်အဓိကစိုးရိမ်စရာတစ်ခုဖြစ်တဲ့အပြင် အဲဒီဖြစ်ရပ်တွေအကြောင်းကိုနားလည်သဘောပေါက်မှုမရှိတာက ပြည်သူတွေလက်ခံယုံကြည်လာအောင်လုပ်ဖို့ ခက်ခဲစေတယ်လို့သိရပါတယ်။

(၂၀၂၀)ခုနှစ်အစောပိုင်းမှာအီလက်ထရောနစ်စွန့်ပစ်ပစ္စည်းတန်သန်း(၅၀၀)ကိုအိန္ဒိယကစွန့်ပစ်လိမ့်မယ်လို့ လေ့လာမှုတွေမှာဖော်ပြနေပါတယ်။ ယနေ့ချိန်အထိလူနည်းစုကတော့ အီလက်ထရောနစ်စွန့်ပစ်ပစ္စည်းတွေကသူတို့ရဲ့ရှင်သန်မှုကိုထိခိုက်စေနိုင်တယ်ဆိုတာမသိကြသေးပါဘူး။ ဒါကြောင့်ပဲအဲဒီကုမ္ပဏီကလူတွေအလိုမရှိတော့တဲ့ကိရိယာတွေကိုအိမ်တိုင်ရာရောက်သွားပြီးစုဆောင်းဖို့ ဆုံးဖြတ်ခဲ့တာပါ။ စွန့်ပစ်ပစ္စည်းတွေကိုစုဆောင်းပြီးရင်တော့ စက်ရုံတစ်ခုမှာအီလက်ထရောနစ်ပစ္စည်းတွေကို ပြန်အသုံးပြုနိုင်အောင် အဲဒီကုမ္ပဏီကလုပ်ဆောင်ပါတယ်။ (၂၀၁၆)ခုနှစ်မှာအီလက်ထရောနစ်စွန့်ပစ်ပစ္စည်းတွေနဲ့ ပလတ်စတစ်တွေနဲ့ပတ်သက်လို့ ဥပဒေသစ်တစ်ခုကိုအိန္ဒိယအစိုးရကပြဌာန်းခဲ့ပေမဲ့ အ ကောင်အထည်ဖော်မှုကတော့ ပြဿနာတစ်ခုအဖြစ်ရှိနေဆဲဖြစ်ပါတယ်။

 

Related News