ဂရိအထွေထွေရွေးကောက်ပွဲမှာအနိုင်ရသွားတဲ့ အတိုက်အခံ ဒီမိုကရေစီသစ်ပါတီခေါင်းဆောင် ကီရီယာကော့စ် မစ်ဆိုတာကစ်ဟာ ဂရိဝန်ကြီးချုပ်သစ်အဖြစ် တနင်္လာနေ့မှာ ကျမ်းသစ္စာကျိန်ဆိုခဲ့ပါတယ်။ တနင်္ဂနွေနေ့မှာကျင်းပခဲ့တဲ့ ဂရိအထွေထွေရွေးကောက်ပွဲမှာအနိုင်ရခဲ့ပြီးနောက် ဂရိဝန်ကြီးချုပ်သစ်အဖြစ် တနင်္လာနေ့မှာအတိုက် အခံဒီမိုကရေစီသစ်ပါတီခေါင်းဆောင်ကီရီယာကော့စ် မစ်ဆိုတာကစ် ကကျမ်းသစ္စာကျိန်ဆိုခဲ့ပါတယ်။ ဂရိသမ္မတအိမ်တော်မှာ ပြုလုပ်တဲ့ ကျမ်းသစ္စာကျိန်ဆိုတဲ့အခမ်းအနားကို မစ်ဆိုတာကစ်နဲ့အတူ သူ့ရဲ့မိသားစုပါလိုက်ပါခဲ့တာပါ။ ဂရိနိုင်ငံရဲ့ဖွဲ့စည်းပုံအခြေ ခံဥပဒေနဲ့ တခြားဥပဒေတွေအပြင် ဂရိနိုင်ငံသားတွေရဲ့အကျိုးစီးပွားကိုအကာအကွယ်ပေးပြီး တာဝန်ထမ်းဆောင်သွားမယ်လို့ ကျမ်းသစ္စာကျိန်ဆိုခဲ့တာပါ။ ဂရိလွှတ်တော်အမတ်နေရာအများစုကို အနိုင်ခဲ့ပြီးနောက် အစိုးရအဖွဲ့ ဖွဲ့စည်းဖို့လုပ်ပိုင်ခွင့်အာဏာ အပ်နှင်းလိုက်တယ်လို့ ဂရိသမ္မတပရိုကိုပစ် ပတ်လိုပိုလို့စ်က မစ်ဆိုတာကစ်ကိုတရားဝင်အကြောင်းကြားခဲ့ပါတယ်။ ဂရိနိုင်ငံရဲ့ ကွန်ဆာဗေးတစ်ဒီမိုကရေစီသစ်ပါတီဟာ အမတ်နေရာ(၃၀၀)ရှိတဲ့ ဂရိလွှတ်တော်မှာ အမတ်နေရာ(၁၅၈)နေရာကိုအနိုင်ရခဲ့တဲ့ အပြင် ထောက်ခံမဲ(၃၉.၈၅)ရာခိုင်နှုန်းရခဲ့တယ်လို့ ပြည်ထဲရေးဝန်ကြီးဌာနကထုတ်ပြန်တဲ့အချက်အလက်တွေအရသိရပါတယ်။

 

Related News