မလေးရှားအစိုးရက ပြင်းထန်တဲ့မူးယစ်ဆေးဝါးဥပဒေတွေကို ဖြေလျှော့ပေးနေပါတယ်။ မလေးရှားနိုင်ငံဟာ ကမ္ဘာ့အတင်းကြပ် ဆုံးမူးယစ်ဆေးဝါးဥပဒေတွေရှိတဲ့နိုင်ငံအဖြစ်လူသိများပါတယ်။ မူးယစ်ဆေးမှောင်ခိုကူးမှုအတွက် သေဒဏ်ပေးပြီး မူးယစ်ဆေး အနည်းငယ်ပိုင်ဆိုင်ရင် ထောင်ချပြီးအပြစ်ပေးပါတယ်။ မလေးရှားနိုင်ငံရဲ့မူးယစ်ဆေးဝါးဥပဒေတွေမှာ ထောင်ချနေတာ၊ အပြစ် ပေးနေတာတွေပဲပါဝင်နေပြီး မအောင်မြင်ဖြစ်နေတယ်လို့ မလေးရှားကျန်းမာရေးဝန်ကြီးဒေါက်တာဒျူကေးဖလိုင် အာမက်ကပြော ပါတယ်။ မူးယစ်ဆေးစွဲနေတာက ရောဂါတစ်မျိုးဖြစ်ပြီး မူးယစ်ဆေးသုံးစွဲသူတွေက လူနာတွေဖြစ်လို့ ပြုစု ကုသမှုနဲ့ကရုဏာတွေ လိုတယ်လို့လည်းအာမက်ကပြောပါတယ်။ ဒါပေမဲ့ မူးယစ်ဆေးတရားဝင်သုံးစွဲခွင့်ပြုတာတော့ မဟုတ်ဘူးလို့လည်း ပြောပါတယ်။ မူးယစ်ကုန်ကူးတာကတော့ ရာဇ၀တ်မှုတစ်ခုအနေနဲ့ပဲဆက်သတ်မှတ်ထားမှာဖြစ်ပါတယ်။

 

 

Related News