လောင်စာဆီအခွန်ကင်းလွတ်ခွင့်ရှိတဲ့ဟောင်ကောင်ဘက်ကို အမေရိကန်ဒေါ်လာ(၁၄၅)သန်းတန်ဖိုးရှိ ဆီမှောင်ခိုကူးတာကို ကျန်ဂျန်းအကောက်ခွန်ဌာနကဖမ်းမိခဲ့ပါတယ်။တရုတ်နိုင်ငံတောင်ပိုင်း၊ ဂွမ်ဒေါင်းပြည်နယ်၊ ကျန်ဂျန်းအကောက်ခွန်ဌာနက အမေရိကန်ဒေါ်လာ(၁၄၅)သန်းတန်ဖိုးရှိ လောင်စာ ဆီတန်(၁၆၀၀၀၀)၀န်းကျင်နဲ့ အဲဒီမှောင်ခိုကူးမှုမှာပါဝင်နေတယ်လို့ယူဆရတဲ့ လူ(၄၉)ယောက်ကိုမကြာသေးခင် ကဖမ်းဆီးခဲ့ပါ တယ်။ ဟောင်ကောင်မှာ လောင်စာဆီကို အကောက်ခွန်ကင်းလွတ်ခွင့်ပေးထားလို့ မှောင်ခိုကုန်ကူးသူတွေကို အမြတ်အစွန်းများ များရလို့ မှောင်ခိုကူးဖို့ကြိုးစားကြတာပါ။ အခုမှောင်ခိုကူးမှုမှာ အဖွဲ့(၅)ဖွဲ့ပါဝင်ပြီး တစ်ဖွဲ့ချင်းစီကို မတူညီတဲ့တာဝန်တွေပေးထား သလို တချို့က သူတို့ရဲ့ဟောင်ကောင်ကထောက်ပံ့သူတွေနဲ့အဆက်အသွယ်မပြတ်အောင်ထိန်းသိမ်းရပြီး တချို့ကတော့ ပုလဲ မြစ်ဝကျွန်းပေါ်ဒေသက ကုန်းတွင်းပိုင်းမြစ်တွေမှာ ငါးဖမ်းလှေတွေအသုံးပြုပြီး ဆီတွေမှောင်ခိုကူးတယ်လို့ ယူဆရပါတယ်။ ဒေါင် ဂွမ်၊ ကွမ်ကျိုးနဲ့ ဖိုရှန်မြို့တို့လိုနေရာတွေက ရာဇ၀တ်ဂိုဏ်းတွေကို တစ်ပြိုင်တည်းချေမှုန်းဖို့ စစ်ဆင်ရေးတစ်ခုကိုပြုလုပ်ခဲ့ရာမှာ စုစုပေါင်းရဲတပ်ဖွဲ့ဝင်(၂၄၇)ယောက်ပါဝင်တဲ့အဖွဲ့(၃၈)ဖွဲ့ဖွဲ့စည်းခဲ့ပါတယ်။ ရာဇ၀တ်ဂိုဏ်းတွေပုန်းအောင်းနေတဲ့နေရာမှာ ဆီတိုင်ကီ တင်ထားတဲ့ကုန်တင်ကားတွေကို အကောက်ခွန်ဌာနကတွေ့ရှိခဲ့ပြီး ခရီးစဉ်တစ်ခုမှာတော့ လောင်စာဆီတန်(၁၀၀)ကို အများဆုံး အနေနဲ့တွေ့ရှိခဲ့ပါတယ်။

 

 

Related News