အာရှ-ပစိဖိတ်ဒေသ ကနိုင်ငံတွေပါဝင်မယ့်(RCEP)ဆိုင်ရာ(၂၇)ကြိမ်မြောက်ဆွေးနွေးမှုက  ဇူလိုင်(၃၁)ရက်မှာ ပြီးဆုံးခဲ့ပြီး အပြုသဘော တိုးတက်မှုတွေရှိခဲ့ပါတယ်။ဒေသတွင်းအားလုံးပါဝင်နိုင်သောစီးပွားရေးမိတ်ဖက်ဆောင်ရွက်မှု(RCEP)ဆိုင်ရာ(၂၇)ကြိမ်မြောက်ဆွေးနွေးမှုကို တရုတ်နိုင်ငံ၊ ဟီနန်ပြည်နယ်၊ ကျန်းကျိုးမြို့မှာ ဇူလိုင်(၃၁)ရက်ကအဆုံးသတ်ခဲ့ပြီး အပြုသဘောဆောင်တဲ့တိုးတက်မှုတွေရှိခဲ့ပါတယ်။ RCEP ဟာ အာဆီယံအဖွဲ့ဝင်(၁၀)နိုင်ငံနဲ့ တရုတ်၊ ဂျပန်၊ တောင်ကိုရီးယား၊ သြစတြေးလျ၊ နယူးဇီလန်နဲ့ အိန္ဒိယနိုင်ငံတို့ပါဝင်ဖို့အဆိုပြု ထားတဲ့ လွတ်လပ်စွာကုန်သွယ်ခွင့်သဘောတူစာချုပ်ဖြစ်ပါတယ်။ RCEPအဖွဲ့ဝင်ဖြစ်လာမယ့်နိုင်ငံ(၁၆)နိုင်ငံက ကိုယ်စားလှယ် (၇၀၀)ကျော်ဟာ ဇူလိုင်(၂၂)ရက်ကနေ(၃၁)ရက်အထိကျင်းပခဲ့တဲ့အစည်းအဝေးမှာ ပါဝင်ဆွေးနွေးခဲ့ပါတယ်။ ပါဝင်ဆွေးနွေးသူ တွေက ကုန်ပစ္စည်းနဲ့ဝန်ဆောင်မှုတွေကုန်သွယ်မှု၊ ရင်းနှီးမြှုပ်နှံမှု၊ မူလစည်းမျဉ်းတွေ၊ ကုန်သွယ်ရေးဖြေရှင်းမှုနည်းလမ်းတွေ၊ ဥာဏပစ္စည်းမူပိုင်ခွင့်နဲ့ အီလက်ထရောနစ်ကုန်သွယ်ရေးအပါအ၀င် ကိစ္စရပ်တွေမှာ အမြင်ချင်းဖလှယ်ခဲ့ကြပါတယ်။ ဆွေးနွေးမှုက အခုနှစ်အတွင်းပြီးစီးလိမ့်မယ်လို့ တရုတ်ကူးသန်းရောင်းဝယ်ရေးဝန်ကြီးဌာနကပြောပါတယ်။ RCEPဆိုင်ရာဝန်ကြီးများအဆင့်အ စည်းအဝေးကို တရုတ်နိုင်ငံမြို့တော်ဘေကျင်းမှာ သြဂုတ်(၂)ရက်နဲ့(၃)ရက်တို့မှာ ကျင်းပဖို့စီစဉ်ထားပါတယ်။

 

 

Related News