ဂျပန်နိုင်ငံဟာ တောင်ကိုရီးယားနိုင်ငံကို ဦးစားပေး ကုန်သွယ်ခွင့်ပေးရာကနေ ရုတ်သိမ်းလိုက်တဲ့အတွက် စိုးရိမ်မိတယ်လို့ တောင်ကိုရီးယားနိုင်ငံခြားရေးဝန်ကြီးက ပြောပါတယ်။တောင်ကိုရီးယားနိုင်ငံကိုဦးစားပေးကုန်သွယ်ခွင့်ပေးထားတာကို ဂျပန်နိုင်ငံကရုတ်သိမ်းလိုက်တဲ့အတွက် တောင်ကိုရီးယားက စိုးရိမ်မိတယ်လို့ တောင်ကိုရီးယားနိုင်ငံခြားရေးဝန်ကြီး ကန်ကျောင်ဝါက သြဂုတ်လ(၂)ရက်က ပြောပါတယ်။ ထိုင်းနိုင်ငံ မြို့တော်ဘန်ကောက်မှာ သြဂုတ်(၂) ရက်က ကျင်းပခဲ့တဲ့ အရှေ့တောင်အာရှနိုင်ငံများအသင်း (ASEAN)နဲ့ တရုတ်၊ ဂျပန်၊ တောင်ကိုရီးယားတို့ ထိပ်သီးအစည်းအဝေးမှာ ကန်က ပြောခဲ့တာပါ။ တရားမျှတမှုနဲ့လွတ်လပ်စွာ ကုန်သွယ်မှုရဲ့အခြေခံစည်း မျဉ်းတွေက စိန်ခေါ်ခံနေရပြီး ဂျပန်နိုင်ငံဆုံးဖြတ်ချက်က တစ်ဖက်သတ်ဆန်တယ်လို့လည်း ကန်က ပြောပါတယ်။

ဘာကြောင့် တောင်ကိုရီးယားနိုင်ငံက အခုလိုတိုင်ကြားမှုမျိုးလုပ်ခဲ့တယ်ဆိုတာကို မသိပါဘူးလို့ ဂျပန်နိုင်ငံခြားရေးဝန်ကြီး တာရိုကိုနိုက ပြောပါတယ်။ လုံခြုံရေးရှုထောင့်ကနေ ထိရှလွယ်တဲ့ပစ္စည်းတွေနဲ့ နည်းပညာတွေပေါ် ထိရောက်တဲ့ ပို့ကုန်ထိန်းချုပ်မှုက နိုင်ငံတကာ အသိုက်အ၀န်းအဖွဲ့ဝင်တစ်နိုင်ငံအနေနဲ့ ဂျပန်နိုင်ငံရဲ့ တာဝန်ဖြစ်ပြီးပို့ကုန်ထိန်းချုပ်မှုက ကမ္ဘာ့ကုန်သွယ်ရေးအဖွဲ့(WTO)သဘောတူညီချက်နဲ့သက်ဆိုင်တဲ့စည်းမျဉ်းတွေအပါအ၀င် လွတ်လပ်စွာကုန်သွယ်ခွင့်နဲ့ကိုက်ညီတယ်လို့လည်း တာရိုကိုနိုက ပြောပါတယ်။တောင်ကိုရီးယားနိုင်ငံရဲ့အဓိကတင်ပို့ကုန်တွေဖြစ်တဲ့မန်မိုရီချစ်ပ်ပြားတွေနဲ့အီလက်ထရောနစ်မျက်နှာပြင်တွေ ဖန်တီးရာမှာအရေးကြီးတဲ့ပစ္စည်း(၃)ခုကို ဂျပန်ကနေ တောင်ကိုရီးယားကိုပို့ရာစည်းကမ်းပိုတင်းကြပ်သွားဖို့ ပြီးခဲ့တဲ့လမှာ ဂျပန်က စည်းကမ်း သတ်မှတ်လိုက်ပါတယ်။ တောင်ကိုရီးယားနိုင်ငံဟာဂျပန်နိုင်ငံရဲ့ပထမဆုံးထုတ်ပယ်ခြင်းခံရတဲ့နိုင်ငံဖြစ်ပြီး ဂျပန်ကုမ္ပဏီတွေအနေနဲ့ တောင်ကိုရီးယားနိုင်ငံကို တင်ပို့နိုင်ဖို့ ဂျပန်ကုန်သွယ်ရေးဝန်ကြီးဌာန ထောက်ခံချက်လိုမှာပါ။

 

 

Related News