လျှိုဝှက်အချက်အလက်တွေကို ပေါက်ကြားစေမှုနဲ့ ထိုင်ဝမ်သမ္မတဟောင်း မာယင်ကျိုးကို ထိုင်ဝမ်အစိုးရရှေ့နေတွေက တရားစွဲဆိုလိုက်ပါတယ်။ မာကတော့ သူ့ကို စွပ်စွဲထားတာတွေကို ငြင်းဆိုထားပါတယ်။     ထိုင်ဝမ်သမ္မတဟောင်း မာယင်ကျိုးကို လျှို့ဝှက်သတင်းအချက်အလက်တွေ ပေါက်ကြားမှုနဲ့ ထိုင်ပေမြို့အစိုးရရှေ့နေများရုံးက မတ်လ(၁၄)ရက်မှာ တရားစွဲလိုက်ပါတယ်။ မာယင်ကျိုးဟာ ဆက်သွယ်ရေးလုံခြုံရေးဥပဒေ၊ အနီးကပ်စောင့်ကြည့်ရေးဥပဒေနဲ့  တစ်ကိုယ်ရည်အချက်အလက် ကာကွယ်ရေးဥပဒေတွေကို ချိုးဖောက်မှုတွေနဲ့တရားစွဲဆိုခံရတာဖြစ်ပါတယ်။ မာကို ဒီမိုကရက် တစ် တိုးတက်ရေးပါတီခေါင်းဆောင် ခါချန်မင်က တရားစွဲဆိုတာဖြစ်ပါတယ်။

မာဟာ သူသမ္မတတာဝန်ယူချိန်က ၀န်ကြီးချုပ် ကန်းယိဟန်၊ သမ္မတရုံးပြောခွင့်ရသူ လိုချိချန်တို့ကို လျှို့ဝှက်သတင်းတွေ ပေါက်ကြားစေခဲ့တဲ့အပြင် အဲ့ဒီအချိန်တုန်းက ခါချန်မင် ကို စွပ်စွဲထားတဲ့ စုံစမ်းစစ်ဆေးမှုအသေးစိတ်ကို ဖွင့်ချဖို့ ရှေ့နေချုပ်ဟောင်းကို ညွှန်ကြားခဲ့တယ်လို့လည်း ခါချန်မင်က စွပ်စွဲထား တာပါ။ ဒီလိုအချက်အလက်ပေါက်ကြားခဲ့တာဟာ သူ့ရဲ့နာမည်ဂုဏ်သတင်းကျော်ကြားမှုကို ပျက်စီးစေခဲ့တယ်လို့ အခိုင်အမာ ပြောဆိုပါတယ်။

ထိုင်ပေခရိုင်တရားရုံးမှာပြုလုပ်တဲ့ကြားနာမှုကို တက်ရောက်ချိန်မှာတော့ မာက သူ့ကို စွပ်စွဲတာတွေကို ငြင်းဆိုထားပြီး ခါဟာ သူ့ကိုစွပ်စွဲထားတာတွေအတွက် အများပြည်သူ အာရုံလွှဲအောင် လုပ်တာဖြစ်တယ်လို့ ပြောပါတယ်။ တရားရုံးဟာ အမှုအတွက် နောက်ဆုံး ဆုံးဖြတ်ချက်ကို မတ်လ ၂၈ ရက်မှာ ချမှတ်နိုင်ချေရှိနေပါတယ်။ 

 

 

    

Related News