ဖိလစ်ပိုင်လွှတ်တော်အမတ်တစ်ဦးက သမ္မတဒူတာတီးအား အယုံအကြည်မရှိအဆိုယနေ့တင်သွင်းခဲ့ကြောင်း သိရသည်။ အကြောင်းမှာ ၄င်းလုပ်ဆောင်လျှက်ရှိသည့် မူးယစ်ဆေးဝါးတိုက်ဖျက်ရေး အင်အားသုံးဖြိုခွဲမှုတွင် လူထောင်ပေါင်းများစွာသေဆုံးခဲ့သည့်အတွက်နှင့် အဂတိလိုက်စားမှုရှိကြောင်းသံသယရှိသည့်အတွက်ဖြစ်ကြောင်း သိရသည်။

အဆိုပါလွှတ်တော်အမတ်အနေဖြင့် လွှတ်တော်တွင် အမတ်နေရာအများအပြားကို ရယူထားသည့် ဒူတာတီးမဟာမိတ်များနှင့် ရင်ဆိုင်တွေ့ရမည်ဖြစ်သည်။ ဖိလစ်ပိုင်အောက်လွှတ်အမတ် Gary Alejano က ဒူတာတီးသည် ဖွဲ့စည်းပုံအခြေခံဥပဒေကိုချိုးဖေါက်ပြီး၊ မူးယစ်ဆေးဝါးရောင်းဝယ်သူအဖြစ်သံသယရှိသူများကို ဥပဒေမဲ့သတ်ဖြတ်မှုများ ဖြစ်ပွားစေခဲ့သည့် အင်အားသုံးဖြိုခွဲမှုအပါအ၀င် ၄င်း၏လုပ်ဆောင်ချက်များက အများပြည်သူ့၏ယုံကြည်မှုကို သစ္စာဖေါက်ဖျက်ခြင်းဖြစ်ကြောင်းနှင့် ဥပဒေအရလိုအပ်သည့်အတိုင်း များပြားသော ဘဏ်အပ်ငွေများကို ထုတ်ဖေါ်ကြေညာ ရန်ပျက်ကွက်ခဲ့ခြင်းစသည့် စွတ်စွဲမှုများဖြင့် အောက်လွှတ်တော်တွင် အယုံအကြည်မရှိအဆိုတင်သွင်းခဲ့ခြင်းဖြစ် ကြောင်း ပြောကြားခဲ့သည်။

“သမ္မတဒူတာတီးဟာဆိုရင် နိုင်ငံရဲ့အမြင့်ဆုံးရာထူးကိုရယူရန်မသင့်ကြောင်းနဲ့ အယုံအကြည်မရှိအဆိုဟာ ဒီအခြေအနေကို ဥပဒေနှင့်အညီ အခြေခံဥပဒေနှင့်အညီကုစားခြင်းသာဖြစ်ပါတယ်။” ဟု လွန်ခဲ့သောနှစ်ပေါင်းများစွာအကြာက မအောင်မြင်သော အာဏာသိမ်းမှုတွင် ပါဝင်ခဲ့သူအဖြစ် စွတ်စွဲခံရသူ Alejano က ပြောကြားခဲ့သည်။ ဒူတာတီးကို အယုံအကြည်မရှိ အဆိုတင်သွင်းမည့် အတိုက်အခံလွှတ်တော်အမတ်အရေအတွက်မှာ နည်းသော်လည်း ၄င်း၏ လွန်လွန်ကြူးကြူး လုပ်ရပ်များနှင့် ရာဇ၀တ်မှုများကို တားမြစ်ရန် လိုအပ်ချက်တစ်ရပ်ရှိ ကြောင်း Alejano က ပြောကြားခဲ့သည်။ လွတ်တော်အမတ်နေရာ စုစုပေါင်း ၂၉၂ နေရာရှိသည့်အနက် နေရာ၂၆၀ ကျော်ကို ဒူတာတီးထောက်ခံသော အမတ်များက လွှမ်းမိုးရယူထားကြောင်း သိရသည်။ 

 

 

Related News