ဆော်ဒီအာရေဗျဘုရင် ဆယ်လ်မန်ဟာ တရုတ်သမ္မတရှီကျင့်ပင်တွေဆုံပြီး အမေရိကန်ဒေါ်လာ ၆၅ ဘီလီယံတန်ဖိုးရှိ ရင်းနှီးမြှုပ်နှံ မှုဆိုင်ရာနားလည်မှုစာချုပ် လက်မှတ်ရေးထိုးခဲ့ပါတယ်။ ဆော်ဒီအာရေးဗျဟာ တရုတ်နိုင်ငံနဲ့စွမ်းအင်ကဏ္ဍ၊ ရင်းနှီးမြှပ်နှံမှုကဏ္ဍ၊ ယဉ်ကျေးမှုနဲ့ အာကာသ ကဏ္ဍတွေမှာ ပူးပေါင်းဆောင်ရွက်ရေးတိုးမြင့်နိုင်ဖို့ သဘောတူညီမှုတွေရခဲ့ပါတယ်။ ဆော်ဒီအာရေးဗျ ဘုရင် ဆယ်လ်မန်ဟာ အာရှနိုင်ငံတွေဆီ ခရီးစဉ်အတွင်း တရုတ်နိုင်ငံကို ရောက်ရှိချိန်မှာ သဘောတူစာချုပ် လက်မှတ်ရေး ထိုးခဲ့တာဖြစ်ပါတယ်။ သဘောတူစာချုပ် လက်မှတ်ရေးထိုးပွဲကို တရုတ်သမ္မတ ရှီကျင့်ပင်နဲ့ ဘုရင်ဆယ်လ်မန်တို့ ရှေ့မှောက်မှာ ပြုလုပ်ခဲ့တာပါ။  

တရုတ်နိုင်ငံဟာ အာရှတိုက်အလယ်ပိုင်းနဲ့ အရှေ့အလယ်ပိုင်းတို့မှာ ကုန်သွယ်ရေးနဲ့ ရင်းနှီးမြှုပ်နှံမှုတွေ လုပ်နေချိန်မှာ အခုလိုသဘောတူညီချက်ပြုလုပ်ခဲ့တာပါ။ ဆော်ဒီအာရေးဗျဟာ တရုတ်နိုင်ငံကို ရေနံရိုင်းအဓိကတင်ပို့နေတဲ့နိုင်ငံ ဖြစ်ပါတယ်။ ၂ နိုင်ငံကြားလုံခြုံရေးပူးပေါင်း ဆောင်ရွက်မှုဟာ တိုးတက်မှုတွေ ရှိလာပြီး ဆော်ဒီအာရေးဗျလေတပ်ဖွဲ့မှာ တရုတ် နိုင်ငံမောင်းသူမဲ့ တိုက်ခိုက်ရေး လေယာဉ်တွေ ဖြန်ကြက်ချထားသလို  နှစ်နိုင်ငံစစ်တပ်တွေဟာ တရုတ်နိုင်ငံ အနောက်ပိုင်းမှာ အကြမ်းဖက်မှု တိုက်ဖျက်ရေး ပူးတွဲစစ်ရေးလေ့ကျင့်မှုတွေ ပြုလုပ်ထားပါတယ်။ ဘုရင် ဆယ်လ်မန် ဟာ ဂျပန်၊ အင်ဒိုနီးရှား၊ မလေးရှား၊ ဘရူးနိုင်းနိုင်ငံတွေဆီ သွားရောက်လည်ပတ်ခဲ့ပြီး မော်လ်ဒိုက် နိုင်ငံကို ခရီးဆက်ဖို့ ရှိနေပါတယ်။ 

 

 

Related News