ပြင်သစ်ရဲတပ်ဖွဲ့နဲ့ ဗုံးရှင်းလင်းရေးအဖွဲ့တွေဟာ ဘတ်(စ)ကတ် ခွဲထွက်ရေးလက်နက်ကိုင်အဖွဲ့ (အက်တာ)ရဲ့ လက်နက်ခဲယမ်းနဲ့ ဖောက်ခွဲရေးပစ်္စည်း ၃ တန် နီးပါးကို ရှာတွေ့ရှင်းလင်းပြီးပြီ ဖြစ်ပါတယ်။ အက်တာအဖွဲ့ဟာ  လက်နက်စွန့်ပြီလို့ ကြေညာပြီးတဲ့နောက် သူတို့လက်နက်တွေ ၀ှက်ထားတဲ့နေရာတွေကို ပြင်သစ်အာဏာပိုင်တွေကို ပြောပြလိုက်ပြီးနောက်မှာ အခုရှင်းလင်း ရှာဖွေမှုထွက်ပေါ်လာတာပါ။ ပြင်သစ်အာဏာပိုင်တွေဟာ အက်တာအဖွဲ့ ပြောပြထားတဲ့နေရာတွေမှာ ခဲယမ်းမီးကျောက် ရှာဖွေတာတွေကို စနေနေ့ကတည်းက စတင်နေတာဖြစ်ပါတယ်။ အက်တာ လက်နက်ကိုင်အဖွဲ့ဟာ ဘတ်(စ)ကတ်မျိုးနွယ်စုအတွက် ပြင်သစ်နိုင်ငံ အနောက်တောင်ပိုင်းနဲ့ စပိန်နိုင်ငံအရှေ့မြောက်ပိုင်းမှာ လွတ်လပ်ရေးယူဖို့ကြိုးပမ်းနေတာ ရာစုနှစ် တစ်ဝက်နီးပါး ရှိပြီဖြစ်ပါတယ်။ အက်တာအဖွဲ့ဟာ အပစ်အခတ်ရပ်စဲတာကို ၂၀၁၁ ခုနှစ်မှာ စတင်ခဲ့ပေမဲ့ လက်နက်စွန့်ကြောင်းကိုတော့ အခုတစ်ပတ်အတွင်းမှာ ကြေညာလိုက်တာပါ။ အက်တာအဖွဲ့ရဲ့ လက်နက်စွန့်မှုကို ပြင်သစ်ဝန်ကြီးချုပ်က ကြိုဆိုကြောင်းပြောထားပေမဲ့ စပိန်အစိုးရ ဘက်ကတော့ အက်တာအဖွဲ့နဲ့စေ့စပ်ညှိနှိုင်းဖို့ ငြင်းဆန်ထားသလို အဖွဲ့ဖျက်သိမ်းဖို့အထိ ပြောဆိုနေပါတယ်။ 

 

 

Related News