ယူကရိန်းအရှေ့ပိုင်းကခွဲထွက်ရေးသမားတွေကို ရုရှားနိုင်ငံဘက်က ထောက်ခံနေမှုရပ်ဆိုင်းရေး တောင်းဆိုတဲ့ ယူကရိန်းရဲ့ တောင်းဆိုမှုကို ကုလသမဂ္ဂနိုင်ငံတကာတရားရုံးက ပယ်ချလိုက်ပါတယ်။ ယူကရိန်းနိုင်ငံအရှေ့ပိုင်းက ရုရှားလိုလားတဲ့ခွဲထွက် ရေးလှုပ်ရှားမှုပဋိပက္ခမှာ ရုရှားနိုင်ငံ ပါဝင်နေတယ် ဆိုတဲ့ စွပ်စွဲချက်တွေအတွက် ယူကရိန်းဘက်က သက်သေခိုင်လုံစွာ မပြနိုင်ဘူးလို့ သယ်ဟိတ် တရားရုံးက ဆုံးဖြတ်ခဲ့တာဖြစ်ပြီး အခုတစ်ကြိမ်က လေးကြိမ်မြောက်ဖြစ်ပါတယ်။ ဒါ့ပေမယ့် ရုရှားနိုင်ငံက ပြီးခဲ့တဲ့  ၃ နှစ်တုန်းက ကျူးကျော်ခဲ့တဲ့ ခရိုင်းမီးယားကျွန်းဆွယ်မှာနေထိုင်တဲ့ တာတာတိုင်းရင်းသားတွေကို ခွဲခြားဆက်ဆံတာမျိုးမလုပ်ဖို့ တရားရုံးက ဆုံးဖြတ်ပေးခဲ့ပါတယ်။ ဒါ့ပြင် ရုရှားနိုင်ငံအနေနဲ့  မဲ့လစ်လို့ခေါ်တဲ့ တာတာကွန်ဂရက်စ်လွှတ်တော်အပါအ၀င် ခရိုင်းမီးယား တာတာအသိုက်အ၀န်းရဲ့ လွှတ်တော်အင်စတီကျူးရှင်းတွေအပေါ် ကန့်သတ်ချုပ်ချယ်တာတွေကို ရပ်တန့်ဖို့ တရားရုံးကဆုံးဖြတ်ခဲ့ပါတယ်။ ရုရှားဟာ ခရိုင်းမီးယားဒေသမှာ တာတာကွန်ဂရက်စ် လွှတ်တော်ကျင်းပခွင့်ကို ပြီးခဲ့တဲ့နှစ်ကတည်းက ပိတ်ပင်တားမြစ်ထားတာပါ။ ဒါ့ပြင် ခရိုင်းမီးယားမှာ ယူကရိန်းဘာသာစကားအသုံးပြုသင်ကြားတဲ့ ပညာရေးသင်ယူခွင့် ရှိနေရေးကိုလည်း ရုရှားဘက်က လိုက်နာရမယ်လို့ တရားရုံးကတညီတညွတ်တည်း ဆုံးဖြတ်ခဲ့ပါတယ်။ 

 

 

Related News