ခေတ်သစ်ပိုးလမ်းမကြီးတည်ဆောက်ဖို့၊ စီးပွားရေးရင်းနှီးမြှုပ်နှံမှုတွေပြုလုပ်ဖို့နဲ့ စီးပွားရေး ဆိုင်ရာ ပူးပေါင်းဆောင်ရွက်မှုတွေ၊ ယဉ်ကျေးမှုဆိုင်ရာစီမံချက်တွေစတင်ခဲ့တဲ့ ခေတ်သစ်ပိုး လမ်းမကြီးဆိုင်ရာ ထိပ်သီးအစည်းအဝေးကို တရုတ်နိုင်ငံမှာ စက်တင်ဘာလ(၈)ရက်က စတင်ပြီး စက်တင်ဘာ(၉)ရက်အထိ(၂)ရက်ကြာ ပြုလုပ်ခဲ့ပါတယ်။ တရုတ်နိုင်ငံအလယ်ပိုင်း ရှန်းဆီစီရင်စု၊ ရှီအန်းမြို့မှာစက်တင်ဘာလ(၈)ရက်က ရှေးဟောင်း ပိုးလမ်းမကြီးဖြတ်သန်းသွားတဲ့ နိုင်ငံပေါင်း(၇၀)က လူဦးရေ(၆၀၀)ကျော်တက်ရောက်ခဲ့တဲ့ ခေတ်သစ်ပိုးလမ်းမကြီးတည်ဆောက်ရေးအတွက် ဒုတိယအကြိမ်ထိပ်သီးအစည်အဝေးပြုလုပ်ခဲ့ပြီး စီးပွားရေးနဲ့ကူးသန်းရောင်းဝယ်ရေးမှာ အောင်မြင်မှုတွေမျှဝေဖို့ ပူးပေါင်းဆောင်ရွက်မယ့် လုပ်ငန်းစဉ် တွေကိုဆွေးနွေးခဲ့ပါတယ်။ 
 
အခုအစည်းအဝေးကို(၂)ရက်ကြာပြုလုပ်ခဲ့တာဖြစ်ပြီး တစ်ပြိုင်နက် ဆွေးနွေးတဲ့ဖိုရမ်(၆)ခု ရှိခဲ့ပါတယ်။ ဖိုရမ်(၆)ခုမှာဆွေးနွေးခဲ့တာတွေက ခေတ်သစ်လမ်းမကြီး တည်ဆောက်ရေး၊ စီးပွားရေး လုပ်ငန်းစုတွေရဲ့ရင်းနှီးမြှုပ်နှံမှုတွေဖြစ်ပြီး စီးပွားရေးပူးပေါင်း ဆောင်ရွက်မှုဆိုင်ရာအတွေ့အကြုံတွေကိုဝေမျှဖို့နဲ့ ရှီအန်းမြို့မှာ နိုင်ငံရပ်ခြားရင်းနှီးမြှုပ်နှံမှုတွေ တိုးမြှင်ဖို့တွေကို ဆွေးနွေးတဲ့အခမ်းအနား(၄)ခုရှိခဲ့ပါတယ်။ ယခုအစည်းအဝေးမှာ စီးပွားရေး၊ ကူးသန်းရောင်းဝယ်မှုနဲ့ယဉ်ကျေးမှုဆိုင်ရာစီမံကိန်းစုစုပေါင်း(၁၈)ခုကို စတင်ခဲ့ပါတယ်။ နိုင်ငံတကာ ယဉ်ကျေးမှု အနုပညာဆိုင်ရာ စီးပွားရေးလုပ်ငန်းတွေအတွက် စီးပွားရေး သဘောတူညီချက်တွေနဲ့ စံနှုန်းတွေကို သတ်မှတ်ခဲ့ပြီး အွန်လိုင်းပိုးလမ်းမကြီးစနစ်နဲ့ ဘိုင်ဒူးအမည်ရတဲ့ နည်းစနစ်သုံး လမ်းပြစနစ်ကိုသုံးပြီး ဆက်သွယ်တာတွေကိုနောက်ထပ်မြှင့်တင်သွားဖို့ ဒီအစည်းအဝေးကနေ သဘောတူခဲ့ပါတယ်။
 

Related News