မက္ကဆီနိုင်ငံမှာ လှုပ်ခတ်ခဲ့တဲ့အင်အားပြင်းငလျင်ကြောင့် သေဆုံးသူ(၂၇၀)ကျော်အထိ ရှိလာနေပြီဖြစ်ပေမဲ့ ပျောက်ဆုံးနေသူ ဒါဇင်ချီအထိရှိနေသေးတယ်ဆိုတဲ့သတင်းတွေလည်း ထွက်ပေါ် နေပါတယ်။ မက္ကဆီကိုမြို့တော်မှာတော့ ငလျင်ကြောင့်ပြိုကျသွား တဲ့(၁၀)ထပ် အဆောက်အအုံ အောက်မှာ လူတစ်ချို့ရှိနေသေးတယ်လို့ ယူဆနေတာကြောင့် ရှာဖွေကယ်ဆယ်ရေး အဖွဲ့တွေက အပျက်အစီးတွေကြားမှာ ရှာဖွေရေးတွေလုပ်နေတုန်းဖြစ်ပါတယ်။ ဒီလိုပြိုကျနေတဲ့ အဆောက်အအုံတွေမှာ ရှာဖွေကယ်ဆယ်ရေး လုပ်နေတာတွေကို ဆက်လုပ်သွားမယ့် အပြင် ရပ်နားသွားဦးမှာ မဟုတ်သေးဘူးလို့ မက္ကဆီကို သမ္မတကပြောထားပါတယ်။ ကလေးငယ်အများစု အပါအ၀င် လူပေါင်း ၂၅ ဦး သေဆုံးထားပြီးဖြစ်တဲ့ မူလတန်းကျောင်း တစ်ကျောင်းရဲ့ အပျက်အစီးအောက်မှာ အရွယ်ရောက်ပြီးသူတစ်ယောက်ရှိနေနိုင်သေးလို့ အဲဒီကျောင်းပျက်မှာ ကယ်ဆယ်ရေးအဖွဲ့တွေက ရှာဖွေကယ်ဆယ်ရေးတွေ လုပ်နေတုန်း ဖြစ်ပါတယ်။ အခုငလျင်ဟာ ၁၉၈၅ ခုနှစ်ငလျင်ကြီးလှုပ်ခတ်ခဲ့မှု နှစ်ပတ်လည်နေ့ဖြစ်တဲ့ အခုတစ်ပတ် အင်္ဂါနေ့မှာ လှုပ်ခတ်ခဲ့တာဖြစ်ပြီး အပျက်အစီးများခဲ့တဲ့အတွက် ဆောက်လုပ်ရေးဆိုင်ရာ စံချိန်စံနှုန်းတွေကို မေးခွန်းထုတ်တာတွေရှိနေ ပါတယ်။ လက်ရှိမှာ မက္ကဆီကို တပ်ဖွဲ့တွေနဲ့ စေတနာ့ဝန်ထမ်းတွေဟာ အစားအသောက်နဲ့ဆေးဝါးတွေကို ဖြန့်ဝေပေးနေပေမဲ့ ငလျင်ဒဏ်သင့်ပြည်သူ အများစုဟာ အကူအညီရရှိမှုနည်းနေတုန်းဖြစ်ပါတယ်။ 
 
 

Related News