အမေရိကန်နိုင်ငံပါဝင်ခြင်းမရှိပေမဲ့ ပစိဖိတ်ဖြတ်ကျော်ပူးပေါင်းဆောင်ရွက်မှုဆိုင်ရာ လွတ်လပ်တဲ့ကုန်သွယ်ရေး သဘောတူညီချက် (TPP) ကို ဆက်လက်အကောင် အထည်ဖော်သွားဖို့ သဘောတူညီချက်မှာ ပါဝင်လက်မှတ်ရေးထိုးထားတဲ့နိုင်ငံတွေက သဘောတူလိုက်ပါတယ်။ သဘောတူညီချက် ဆက်လက်အကောင်အထည် ဖော်မယ့်သတင်းကို ဂျပန်စီးပွားရေးရာဝန်ကြီး တိုရှီမီဇု မိုတဲဂီက အတည်ပြုထားပါတယ်။ 
 
ဗီယက်နမ်နိုင်ငံ ဆိပ်ကမ်းမြို့ ဒါနန်မှာတွေ့ဆုံပြီး တဲ့နောက် ၀န်ကြီးတွေက အခုလိုသဘောတူလိုက်တာပါ။ သဘောတူညီချက်ကို သောကြာနေ့ ကတည်းက အတည်ပြုဖို့ရှိနေပေမဲ့ ရွှေ့ဆိုင်းခဲ့တာပါ။ TPP အဖွဲ့ဝင် နိုင်ငံတွေအနေနဲ့ သဘောတူညီချက်ကို အတည်ပြုဖို့ အသင့်မဖြစ်သေးဘူးလို့ ကနေဒါ ၀န်ကြီးချုပ် ဂျက်စတင် ထရူးဒိုးက ဂျပန်ဝန်ကြီးချုပ်ကို အစောပိုင်းမှာ ပြောထားတာပါ။ ဒါ့ကြောင့် TPP အဖွဲ့ဝင်နိုင်ငံတွေဟာ သောကြာနေ့မှာ ဆွေးနွေးပွဲတွေ တစ်ကြော့ပြန်လုပ်ခဲ့ရပါတယ်။
 
ကနေဒါဝန်ကြီးချုပ်ဆီကနေ သဘောတူညီချက်ရထားပြီးပြီ ဆိုတာကို ကနေဒါ ကိုယ်စားလှယ် အဖွဲ့ကပြောထားတယ်လို့ ဂျပန်စီးပွားရေးဝန်ကြီးက သတင်းထောက်တွေကို ပြောပါတယ်။ ဒါပေမဲ့  TPP အဖွဲ့ဝင်နိုင်ငံတွေက ခေါင်းဆောင်တွေဟာ အစည်းအဝေးပွဲအချိန်ဇယားတွေ ပြည့်နေလို့  TPP နဲ့ပတ်သက်ပြီး ထိပ်သီး ဆွေးနွေးပွဲတစ်ရပ်ပြုလုပ်ဖုိ့ မဖြစ်နိုင်ဘူးလို့လည်း ၀န်ကြီးကပြောပါတယ်။ နောက်ဆုံးရရှိတဲ့ သတင်းတွေအရ  TPP အဖွဲ့ဝင်နိုင်ငံတွေဟာ သဘောတူညီချက်မှာ ပါဝင်တဲ့ အခြေခံကျတဲ့ အချက်တွေအပေါ် သဘောတူညီချက်ရသွားပြီလို့ သိရပါတယ်။
 
 

Related News