ပါကစ္စတန်နှင့်အာဖဂန်နစ္စတန် နှစ်နိုင်ငံအကြား ငြိမ်းချမ်းရေးနှင့် စည်းလုံးညီညွတ်မှုရရှိရေးတို့အတွက် လုပ်ငန်းဖေါ်ဆောင်မည့် ဆွေးနွေးပွဲတစ်ရပ်အားပါကစ္စတန်နိုင်ငံ၊ အစ္စလာမ်မာဘတ်မြို့၌ (၂) ရက်ကြာကျင်းပခဲ့ပြီးတမြန်နေ့က ပြီးဆုံးသွားခဲ့ကြသော်လည်း နှစ်ဦးနှစ်ဖက်အကြားသဘောထားကွဲလွဲမှုများနှင့် အပြန်အလှန်တင်းမာမှုများမှာမူတစ်စုံတစ်ရာတိုးတက်မှု မရရှိခဲ့ကြောင်းသိရှိရသည်။

APAPPS (Afghanistan-Pakistan Action Plan for Peace and Solidarity) ဟုခေါ်တွင်သောယင်းဆွေးနွေးပွဲအားပါကစ္စတန်နိုင်ငံဘက်ကဦးဆောင်ကာကျင်းပခဲ့ခြင်းဖြစ်သည်။ယင်းဆွေးနွေးပွဲတွင် တချို့ကိစ္စများအတွက် သဘောတူညီမှုရရှိခဲ့သော်လည်းဆွေးနွေးစရာများဆက်လက်ကျန်ရှိနေသေးကြောင်းပါကစ္စတန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူတစ်ဦးကဆိုသည်။

အာဖဂန် နိုင်ငံတွင်းလုံခြုံရေးကိစ္စများယိုယွင်းနေခြင်းကိစ္စနှင့် ပတ်သက်ပြီးဆွေးနွေးရာတွင် တိုးတက်မှုမရှိခဲ့ဟုအာဖဂန်အစိုးရဘက်ကဆွေးနွေးပွဲအပြီးထုတ်ပြန်ခဲ့သည့် ကြေညာချက်တွင် ဖော်ပြခဲ့သည်။ တာလီဘန်စစ်သွေးကြွများသည် ပါကစ္စတန် နိုင်ငံထဲတွင် ခြေကုတ်ယူကာအကြမ်းဖက်လုပ်ရပ်များလုပ်ဆောင်နေခြင်းဖြစ်သည်ဟုအာဖဂန်ဘက်ကစွပ်စွဲထားသည်။ ယင်းအကြောင်းအရာနှင့် ပတ်သက်ပြီးပါကစ္စတန်ဘက်ကခိုင်မာသည့်နှစ်နိုင်ငံနယ်စပ်လုံခြုံရေးမရှိသည့်အတွက်သာအကြမ်းဖက်မှုတိုက်ဖျက်ရေးလုပ်ငန်းများအားထိရောက်စွာဆောင်ရွက်နိုင်မှုမရှိခြင်းဖြစ်သည်ဟု ပြန်လည်တုံ့ပြန်ပြောကြားခဲ့ကြောင်းသိရသည်။ 

 

 

Related News