လာမယ့်ဧပြီလမှာ ရေပြတ်တော့မယ်လို့ ကိတ်တောင်းအာဏာပိုင်တွေက အခုလအစောပိုင်းမှာ ပြောခဲ့ပေမဲ့ မြို့ခံတွေက ရေချွေတာသုံးခဲ့တာကြောင့် လာမည့်ဇွန်လလောက်မှာမှ ရေပြတ်နိုင်တယ်လို့ ပြောင်းလဲသတ်မှတ်လိုက်ပါတယ်။ကာလရှည်မိုးခေါင်မှုတွေကြောင့် လာမယ့်ဧပြီလ(၁၂)ရက်မှာ တောင်အာဖရိကနိုင်ငံ၊ ကိတ်တောင်းမြို့မှာ ရေလုံးဝပြတ်တောက် သွားနိုင်တယ်လို့ အခုလအစောပိုင်းမှာသတ်မှတ်ထားခဲ့ပေမဲ့ ပြီးခဲ့တဲ့ရက်ပိုင်းအတွင်းမိုးရွာခဲ့တာနဲ့ မြို့ခံတွေကိုရေချွေတာသုံးစွဲ ရေးအစီအစဉ်တွေ သတ်မှတ်ထားပေးခဲ့တာတွေကြောင့် ရေပြတ်တောက်မယ့်နေ့ဟာ လာမယ့်ဇွန်လ(၄)ရက် ဖြစ်နိုင်တယ်လို့ မြို့အာဏာပိုင်တွေကပြောင်းလဲသတ်မှတ်လိုက်ပါတယ်။
 
အခုလအစောပိုင်းမှာ မြိုခံတွေအနေနဲ့ တစ်ဦးကို တစ်နေ့ရေ(၅၀)လီတာပဲ သုံးဖို့ စီမံခဲ့တာကြောင့် လူဦးရေ(၃.၇)သန်းရှိတဲ့ ကိတ်တောင်းမြို့မှာ ရေသုံးစွဲမှုတစ်နေ့ကို လီတာ(၅၂၆)သန်းအထိလျော့ကျခဲ့ တယ်လို့ ကိတ်တောင်းမြို့နဲ့ကိတ်ပြည်နယ်တွေကိုစီမံအုပ်ချုပ်နေတဲ့မမ်မူဆီ မိန်မိန်းက တွစ်တာမှာပြောခဲ့ပါတယ်။ ပြီးခဲ့တဲ့(၂) နှစ်လောက်ကတော့ ကိတ်တောင်းမြို့ခံတွေရဲ့ရေသုံးစွဲမှုက တစ်နေ့ကို လီတာသန်း(၁) ထောင် ကျော်ခဲ့ပါတယ်။
 
တောင်အာဖရိက နိုင်ငံမှာ (၃)နှစ်ကြာမိုးခေါင်ခဲ့တာကြောင့် ဖြစ်ခဲ့တဲ့ အပျက်အစီးတွေရဲ့ပမာဏနဲ့ ပြင်းထန်မှုတွေကို ပြန်လည်ဆန်းစစ်ပြီးနောက် မိုးခေါင်မှုဟာ အမျိုးသားသဘာဝဘေးအန္တရာယ်ဖြစ်နေပြီလို့ တောင်အာဖရိကအာဏာပိုင်တွေက ပြောင်းလဲ သတ်မှတ်လိုက်ပြီး ကယ်ဆယ်ရေးလုပ်ငန်းတွေကို (ANC) ပါတီကဦးဆောင်နေတဲ့ တောင်အာဖရိက ဗဟိုအစိုးရကတာဝန်ယူဆောင်ရွက်ပေးတော့မှာ ဖြစ်ပါတယ်။ မိုးခေါင်မှုကြောင့် ပြည်နယ်(၃)ခုမှာ ထိခိုက်နစ်နာမှုတွေရှိနေပါတယ်။ 
 
 
 

Related News