တောင်အာဖရိကနိုင်ငံရဲ့ သမ္မတသစ်ဖြစ်လာတဲ့ အာဏာရပါတီဥက္ကဋ္ဌနဲ့ဒုတိယသမ္မတဖြစ်တဲ့ ဆီရေးရာမာဖိုဆာဟာ ဖေဖော်ဝါရီလ(၁၅)ရက်မှာ သမ္မတအဖြစ် ကျမ်းကျိန် သစ်္စာပြုခဲ့ပါတယ်။ တောင်အာဖရိကသမ္မတဟောင်းဂျက်ကော့ဘ် ဇူးမားရာထူးကနေနှုတ်ထွက်ပြီး နောက်တစ်နေ့ဖြစ်တဲ့ဖေဖော်ဝါရီလ(၁၅)ရက်မှာပဲ အာဏာရ(A.N.C)ပါတီဥက္ကဋ္ဌဖြစ်တဲ့ဆီရေး ရာမာဖိုဆာဟာ တောင်အာဖရိကသမ္မတအဖြစ် ကျမ်းကျိန်သစ္စာပြုခဲ့ပါတယ်။ 
 
(A.N.C) ပါတီဝင်အများစုလွှတ်တော်အမတ်နေရာရထားတဲ့ တောင်အာဖရိကလွှတ်တော်က ရာမာဖိုဆာ(၁)ဦး တည်းကိုသာ သမ္မတအဖြစ် အမည်စာရင်းတင်သွင်းခဲ့ပြီး သူတာဝန်ထမ်းဆောင်စဉ် ကာလမှာ ပြီးခဲ့တဲ့သမ္မတ ဇူးမားလက်ထက်မှာစတင်လာခဲ့တယ်လို့ ယူဆနေကြတဲ့ အကျင့်ပျက်ခြစားမှုတွေကို တိုက်ဖျက်သွားမှာဖြစ်တယ်လို့ သူ့ရဲ့ပထမဆုံးသမ္မတမိန့်ခွန်းမှာ ပြောခဲ့ပါတယ်။ 
 
အကျင့် ပျက်ခြစားမှုတွေနဲ့ နိုင်ငံရေးကြိုးဆွဲခံနေရတာတွေကို စုံစမ်းတွေ့ရှိထားတယ်လို့ ရာမာဖိုဆာက မိန့်ခွန်းမှာထည့်သွင်းပြောခဲ့ပါတယ်။ ဒီနေ့မှာတော့ နိုင်ငံတွင်းအခြေအနေတွေကို တောင်အာဖရိက လွှတ်တော်မှာ သမ္မတသစ်က ရှင်းလင်းမှာဖြစ်ပြီး အတိုက် အခံပါတီဖြစ်တဲ့ (E.F.F) ကတော့ သမ္မတသစ်နဲ့ပတ်သက်လို့ (A.N.C) ကရွေးချယ်တာထက် သမ္မတရွေးကောက်ပွဲ ထပ်မံပြုလုပ်ဖို့ လိုလားတယ်ဆိုပြီး အာဏာရပါတီရဲ့ဆုံးဖြတ်ချက်ကို ကန့်ကွက်နေပါတယ်။ 
 
အကျင့်ပျက်ခြစားမှုတွေ ကျူးလွန်ခဲ့တယ်လို့ စွပ်စွဲခံခဲ့ရတဲ့ သမ္မတဟောင်း ဂျက်ကော့ဘ်ဇူးမားဟာ ရာထူးကနေ နှုတ်ထွက်ဖို့ သူ့ရဲ့အာဏာရပါတီက တွန်းအားပေးခံခဲ့ရပြီး ရာထူးကနေ မနှုတ်ထွက်ဘူးဆိုရင် သမ္မတအဖြစ် အရည်အချင်းမပြည့်မီကြောင်း လွှတ်တော်မှာ မဲခွဲအဆုံးအဖြတ်ခံရမယ်လို့ ပြောခဲ့ပါတယ်။ အဲဒီစွပ်စွဲမှုတွေဟာ မှားယွင်းနေတယ်လို့ သမ္မတဟောင်းဇူးမားက ငြင်းဆိုထားပါတယ်။
 
 
 

Related News