လက်ရှိဂျပန်ဗဟိုဘဏ်ရဲ့ဥက္ကဋ္ဌကို ရာထူးဆက်လက်ခန့်ထားရေးအဆိုကို ဂျပန်အစိုးရက ဂျပန်အထက်လွှတ်တော်ဆီ တင်သွင်းခဲ့ပြီး အဲဒီအဆိုကို အတိုက်အခံပါတီဝင်တွေက ဆန့်ကျင်နေကြ ပါတယ်။ဂျပန်ဗဟိုဘဏ်(B.O.J)ရဲ့ဥက္ကဋ္ဌသစ်အဖြစ် လက်ရှိဥက္ကဋ္ဌ ဟာရူဟီကို ကူရိုဒါကို ဆက်လက်ခန့် ထားရေးအဆိုကို ဂျပန်အစိုးရအဖွဲ့က ဂျပန်အထက်လွှတ်တော်ဆီ တင်သွင်းခဲ့ပါတယ်။ (B.O.J)ဥက္ကဋ္ဌအဖြစ် တာဝန်ထမ်းဆောင်နေတာ(၄)နှစ်ရှိပြီဖြစ်တဲ့ ကူရိုဒါဟာ လာမယ့်ဧပြီလမှာ ရာထူးသက်တမ်းကုန်တော့မှာ ဖြစ်ပြီး ဥက္ကဋ္ဌအသစ်ရွေးချယ်ရဖို့ရှိနေချိန်မှာ ဂျပန်အစိုးရက အခုအဆိုတင် သွင်းခဲ့တာပါ။
 
ဂျပန်နိုင်ငံမှာ ငွေကြေးဖောင်းပွမှု(၂)ရာခိုင်နှုန်းအထိလျော့ချရေးအတွက် ဗဟိုဘဏ်မှာ ငွေအပ်နှံရင် အတိုးနှုန်း လျှော့ချပေးသွားဖို့အပါအ၀င် ဂျပန်အစိုးရရဲ့လုပ်ငန်းဆောင်ရွက်မှုတွေကို ကူရိုဒါကတွန်းအားပေးနေတာဖြစ်ပါတယ်။ အတိုက်အ ခံပါတီဝင်တွေကတော့ ကူရိုဒါကို ဥက္ကဋ္ဌအဖြစ်ဆက်လက်ခန့်ထားဖို့မလိုလားဘူးလို့ ပြောနေကြပါတယ်။ (B.O.J)ဟာ ငွေကြေး ဖောင်းပွမှု(၂)ရာခိုင်နှုန်းအထိလျှော့ချရေးမှာ ရည်မှန်းထားတဲ့အချိန်ထက် (၆)ဆလောက်ပိုကြာ နေတဲ့အတွက် ငွေကြေးဆိုင်ရာ မူဝါဒအပြောင်းအလဲတွေ့မြင်လိုတယ်လို့ အတိုက်အခံတွေကပြောပါတယ်။
 
ဒါပေမဲ့ ကူရိုဒါဟာ ဂျပန်အစိုးရရဲ့ငွေကြေးဆိုင်ရာ မူဝါဒကို ဆက်အကောင်အထည်ဖော်ဖို့ မျှော်လင့်တယ်ဆိုပြီး ၀န်ကြီးချုပ်ရှင်ဇိုအာဘဲကပြောပါတယ်။ (B.O.J)ရဲ့လက်ရှိအမှု ဆောင်ဒါရိုက်တာမာဆာယိုရှီ အာမာမီယာနဲ့ ၀ါဆဲဒါတက္ကသိုလ်က ပါမောက္ခမာဆာဇူမီ ၀ါကာတာဘဲတို့ကို (B.O.J)ဒုတိယ ဥက္ကဋ္ဌတွေအဖြစ် ဂျပန်အစိုးရက အမည်စာရင်းတင်သွင်း ထားပါတယ်။ ပါမောက္ခ ၀ါတာဘဲဟာ (၂၀၁၄)ခုနှစ်တုန်းကစားသုံးသူ ဆိုင်ရာအခွန် ဂျပန်အစိုးရကတိုးကောက်ခဲ့တာကို ဆန့်ကျင်ခဲ့သူဖြစ်ပါတယ်။ 
 
 
 

Related News