ဂျပန်နိုင်ငံမှာ အမြဲတမ်းလုပ်သားရှားပါးနေတဲ့ လက်လီဈေးကွက်အတွက် ဂျပန်အီလက် ထရောနစ်ကုမ္ပဏီပန်နာဆိုးနစ်က စနစ်သစ်(၁)ရပ်ကို ဖန်တီးနေပါတယ်။ဈေးဝယ်ကောင်တာ ကနေထွက်တဲ့လမ်းကို လျှောက်သွားရုံနဲ့ဝယ်ထားတဲ့ပစ္စည်းတွေအတွက် ငွေရှင်းနိုင်အောင် အဲဒီစနစ်က ကူညီမှာဖြစ်ပါတယ်။ပန်နာဆိုးနစ်နဲ့ဂျပန်နိုင်ငံအနောက်တောင်ပိုင်းက သက်သာဈေးဆိုင်ငယ်တွေကို စီမံလည်ပတ်နေတဲ့ကုမ္ပဏီ(၁)ခုတို့ပူးပေါင်းပြီး ကိုယ်တိုင်ယူစတိုးဆိုင်(၁)ဆိုင်မှာ အဲဒီစနစ်ကို စတင်စမ်းသပ်ခဲ့ပါတယ်။

ဆိုင်မှာရှိတဲ့ပစ္စည်း(၁)ခုချင်းစီအတွက် အီလက်ထရောနစ် အမှတ်အသား (၁)ခုပြုလုပ်ထားပြီး ဆိုင်ကနေထွက်တဲ့လမ်းကနေဈေး ၀ယ်သူကလျှောက်သွားတဲ့အခါ ဈေးဝယ် အိတ်ထဲမှာပါတဲ့ပစ္စည်းတွေနဲ့သူတို့ရဲ့တန်ဖိုးတွေက ကွန်ပြူတာမျက်နှာပြင်မှာပေါ်လာမှာဖြစ်ပါတယ်။ ဈေးဝယ်သူတွေအနေနဲ့ ကြိုတင်ငွေဖြည့်ကတ်တွေသုံးပြီး ငွေပေးချေရမှာဖြစ်ပြီး ကြာချိန်(၅)စက္ကန့် လောက်ပဲရှိတယ်လို့NHKသတင်းဌာနက သတင်းဖော်ပြပါတယ်။

အဲဒီစနစ်ကို အသုံးပြုမယ်ဆိုရင် ဈေးဆိုင်တွေအနေနဲ့ ၀န်ထမ်းလိုအပ်ချက်လျှော့ကျသွားမှာဖြစ်ပြီး အီလက်ထရောနစ် အမှတ်အသား တွေကြောင့် ငွေရှင်းရာမှာလည်း ပိုတိကျမှာဖြစ်တယ်လို့ ပန်နာဆိုးနစ်ဘက်ကပြောပါတယ်။ အဲဒီစနစ်ကို အခုနွေရာသီမှာ ဈေးကွက်အတွင်းစတင်အသုံးပြုနိုင်ဖို့ ရည်မှန်းနေတယ်လို့လည်း ပြောပါတယ်။ 

 

 

Related News