တီဟီရန်နိုင်ငံတကာ စာအုပ်ပြပွဲကို အီရန်ခေါင်းဆောင် အလီ ခါမေနီက မေလ(၁၁)ရက်မှာတက်ရောက်ခဲ့ပြီး စာအုပ်ဖတ်ခြင်းရဲ့ အကျိုးကျေးဇူးတွေ အကြောင်းမိန့်ခွန်းပြောခဲ့ပါတယ်။ (၃၁ကြိမ်မြောက် တီဟီရန်နိုင်ငံတကာ စာအုပ်ပြပွဲကို အီရန်ဘာသာရေးနဲ့နိုင်ငံရေးခေါင်းဆာင်အလီ ခါမေနီက မေလ(၁၁)ရက်မှာ သွားရောက်လည်ပတ်ခဲ့ပါတယ်။ စာအုပ်ထုတ်ဝေသူတွေက နောက်ဆုံးပေါ်စာအုပ်တွေရဲ့ အချက်အလက်တွေကို ခါမေနီကိုရှင်း ပြခဲ့ပါတယ်။ လှည့်လည်ကြည့်ရှုစဉ်မှာ ခါမေနီက ပါရှားဘာသာစကားနဲ့ရေးသားထားတဲ့ အမေရိကန်သမ္မတ ဒေါ်နယ်ထရမ့် အကြောင်းရေးသားထားတဲ့စာအုပ်ကို ဖတ်ရှုခဲ့ပြီး ဒါကသမ္မတထရမ့်ကို လှောင်ပြောင်နေတာဖြစ်တယ်လို့ သုံးသပ်တာတွေရှိနေ ပါတယ်။
 
ဒီစာအုပ်ပြပွဲကို ခေါင်းဆောင် ခါမေနီနဲ့ အီရန်ယဉ်ကျေးမှုနှင့်သာသနာရေးဝန်ကြီးတို့ တက်ရောက်ခဲ့ပါတယ်။ စာအုပ် ဖတ်ခြင်းရဲ့အရေးပါပုံနဲ့ လူတိုင်းစာဖတ်သင့်တယ်လို့ မိန့်ခွန်းပြောစဉ်မှာ အလီခါမေနီက ထည့်သွင်းပြောခဲ့ပါတယ်။  အခုစာအုပ် ပြပွဲကို မေလ(၁)ရက်မှာ အီရန်ဒုသမ္မတဆလီဟီအပါအ၀င် အီရန်အကြီးအကဲတွေက တက်ရောက်ဖွင့်လှစ်ပေးခဲ့တာပါ။ နိုင်ငံ(၅၃)နိုင်ငံကထုတ်ဝေသူတွေနဲ့ ကိုယ်စားလှယ်အဖွဲ့တွေလည်း အဲဒီစာအုပ်ပြပွဲကိုတက်ရောက်ခဲ့ပြီး အထူးဧည့်သည်အဖြစ် ဆားဘီးယားနိုင်ငံကလည်းတက်ရောက်ခဲ့ပါတယ်။ တီဟီရန် နိုင်ငံတကာစာအုပ်ပြပွဲကို နှစ်စဉ်ကျင်းပနေပြီး စာအုပ်တွေခင်းကျင်း ပြသတာ၊ စကားဝိုင်းဆွေးနွေးတာနဲ့ စာအုပ်ထုတ်ဝေရေးသဘောတူညီမှုတွေပြုလုပ်လေ့ရှိပါတယ်။
 
 
 

Related News