ဇွန်လ(၈)ရက်မှာစတင်ကျင်းပမယ့် (G-7)အဖွဲ့ဝင်နိုင်ငံတွေရဲ့ထိပ်သီးညီလာခံကိုတက်ရောက်ဖို့ ဇွန်လ(၇)ရက်မှာ ကနေဒါနိုင်ငံအ ရှေ့ပိုင်းက ကွီဘတ်ပြည်နယ်ကို ဂျပန်ဝန်ကြီးချုပ်ရှင်ဇို အာဘဲရောက်ရှိခဲ့ပါတယ်။ အခု(G-7)ညီလာခံမှာဆွေးနွေးမယ့်အကြောင်း အရာတွေထဲ ကမ္ဘာ့စီးပွားရေး၊ လွတ်လပ်စွာကုန်သွယ်ခွင့်၊ ရာသီဥတုပြောင်းလဲတာနဲ့ မြောက်ကိုရီးယားအရေးတို့သာမက အရှေ့ အလယ်ပိုင်းကိစ္စရပ်တွေပါ ပါဝင်နေပါတယ်။

အမေရိကန်သမ္မတဒေါ်နယ်ထရမ့်ရဲ့ တစ်ဖက်ပိတ်ဝါဒကျင့်သုံးတာ၊ (၂၀၁၆)အီရန် နျူကလီးယားသဘောတူညီချက်ကနေ အမေရိကန်နှုတ်ထွက်တာနဲ့ တခြားအရေးကိစ္စရပ်တွေမှာ တင်းမာမှုတွေရှိနေတာကြောင့် အခု(G-7)ညီလာခံကို စိတ်ဝင်စားမှုများနေပါတယ်။ နှစ်စဉ်ကျင်းပလေ့ရှိတဲ့ညီလာခံမှာ စီးပွားရေးကိစ္စရပ်တွေကို ဦးစားပေးဆွေး နွေးလေ့ရှိပါတယ်။

(G-7)အဖွဲ့ဝင်နိုင်ငံတွေက ကမ္ဘာ့စီးပွားရေးရဲ့(၆၀)ရာခိုင်နှုန်းကို ချုပ်ကိုင်ထားနိုင်ပြီး အဖွဲ့ဝင်နိုင်ငံတွေထဲမှာ ကနေဒါ၊ ဗြိတိန်၊ အမေရိကန်၊ အီတလီ၊ ပြင်သစ်၊ ဂျပန်နဲ့ ဂျာမနီနိုင်ငံတို့ပါဝင်ပါတယ်။ အခုလအစောပိုင်းမှာ အမေရိကန် ရဲ့စီးပွားဖက်ဖြစ်တဲ့ ကနေဒါ၊ မက္ကဆီကိုနဲ့ ဥရောပသမဂ္ဂအဖွဲ့(အီးယူ)နိုင်ငံတွေကို အမေရိကန်ရဲ့ကုန်သွယ်ခွန်တိုးကောက်တဲ့စာ ရင်းထဲထည့်သွင်းခဲ့တာကြောင့် ပြင်သစ်သမ္မတအီမန်နျူရယ် မက်ခရွန်နဲ့ ကနေဒါဝန်ကြီးချုပ်ဂျက်စတင် ထရူဒူတို့က ပြင်းပြင်းထန်ထန်ဝေဖန်ခဲ့ပါတယ်။ 

 

 

Related News