(၁၈)ကြိမ်မြောက် ရှန်ဟိုင်းပူးပေါင်းဆောင်ရွက်ရေးဆိုင်ရာအဖွဲ့အစည်း(SCO)နဲ့ ထိပ်သီးအစည်းအဝေးကျင်းပဖို့ တရုတ်နိုင်ငံ အရှေ့ပိုင်းရှန်ဒေါင်းပြည်နယ်ကို ရုရှားသမ္မတဗလာဒီမာပူတင်ဇွန်လ(၉)ရက်မှာ ရောက်ရှိခဲ့ပါတယ်။(၁၈)ကြိမ်မြောက် ရှန်ဟိုင်းပူးပေါင်းဆောင်ရွက်ရေးဆိုင်ရာအဖွဲ့အစည်း(SCO)နဲ့ ထိပ်သီးအစည်းအဝေးကျင်းပဖို့ တရုတ်နိုင်ငံ အရှေ့ပိုင်းရှန်ဒေါင်းပြည်နယ်ကို ရုရှားသမ္မတဗလာဒီမာပူတင်ဇွန်လ(၉)ရက်မှာရောက်ရှိခဲ့ပြီး ရုရှားသမ္မတအဖြစ် သက်တမ်း သစ်တာဝန်ယူပြီးနောက်မှာ အခုခရီးစဉ်က  သမ္မတပူတင်ရဲ့ပထမဆုံးခရီးစဉ်လည်းဖြစ်ပါတယ်။

တရုတ်သမ္မတ ရှီကျင့်ပင်နဲ့ ရုရှားသမ္မတပူတင်တို့တွေ့ဆုံခဲ့ပြီးနောက် ခေါင်းဆောင်(၂)ဦးစလုံးက ပေကျင်းမြို့မှာဆွေးနွေးပွဲလုပ်ဖို့ သဘောတူခဲ့ပါတယ်။ (SCO)အဖွဲ့ကို (၂၀၀၁)ခုနှစ်ကရှန်ဟိုင်းမြို့မှာ စတင်တည်ထောင်ခဲ့တာဖြစ်ပြီး အဖွဲ့ဝင်နိုင်ငံတွေအနေနဲ့ တရုတ်၊ ရုရှား၊ ကာဇက်ခ်စတန်၊ ကရုခ်ကစ္စတန်၊ တက်ဂျီကစ္စတန်နဲ့ ဥဇဘက်ကစ္စတန်နိုင်ငံတွေပါဝင်တာဖြစ်ပါတယ်။ ပြီးခဲ့တဲ့ (၂၀၁၇)ခုနှစ်က (SCO)ရဲ့ အဖွဲ့ဝင်နိုင်ငံအသစ်အဖြစ် အိန္ဒိယနဲ့ ပါကစ္စတန်နိုင်ငံတို့လည်းပါဝင်လာတာပါ။

နှစ်စဉ်(SCO) ထိပ်သီးအစည်းအဝေးမှာ အဖွဲ့ဝင်နိုင်ငံတွေရဲ့သက်ဆိုင်ရာ အမျိုးသားရေးဖွံ့ဖြိုးတိုးတက်မှုချိတ်ဆက်ရေး၊ ဒေသဆိုင်ရာ ပူးပေါင်းဆောင်ရွက်မှုမြှင့်တင်ရေးနဲ့ ပိုမိုကောင်းမွန်တဲ့ မဟာဗျူဟာအသစ်တွေရေးဆွဲနိုင်ရေးတွေကို ဆွေးနွေးဖို့ မျှော်မှန်းထားတယ်လို့ သိရပါတယ်။ (SCO)ထိပ်သီးအစည်းအဝေးပွဲကို ဇွန်လ(၉)ရက်ကစတင်မှာဖြစ်ပြီး ဇွန်လ(၁၀)ရက်မှာ အပြီးသတ် ဆွေးနွေးသွားမှာ ဖြစ်ပါတယ်။

 

 

 

 

Related News