ဇွန် လ(၁၃)ရက်မှာကျင်းပမယ့် တောင်ကိုရီးယားဒေသရွေးကောက်ပွဲအတွက် မြို့တော်ဆိုးလ်မှာ ပြိုင်ဘက်ပါတီတွေက အပြင်းအထန်မဲဆွယ်နေကြပါတယ်။ ဥက္ကာကတင်ဆက်ပေးမှာပါ။ရွေးကောက်ပွဲမတိုင်ခင် နောက်ဆုံးရုံးပိတ်ရက်တွေမှာ အာဏာရဒီမိုကရက်ပါတီက ရွေးကောက်ပွဲသမိုင်းတစ်လျှောက်ပြိုင်ဆိုင်မှု အပြင်းထန်ဆုံးနေရာဖြစ်တဲ့ ဂျွန်းဂီဒိုပြည်နယ်မှာ အသားပေးမဲဆွယ်နေပါတယ်။ ပုဂ္ဂိုလ်ရေးအရှုပ်အထွေးတွေရှိနေတာတယ်လို့ စွပ်စွဲခံထားရပြီး ဂျွန်းဂီဒိုပြည်နယ်အုပ်ချုပ်ရေးမှူးနေရာကို ယှဉ်ပြိုင်ဖို့ ဒီမိုကရက်တစ်ပါတီက အမည်စာရင်းတင်သွင်းထားတဲ့ လီ ဂျေးမြောင်အနိုင်ရရေးအတွက် ထောက်ခံမဲတွေပေးကြဖို့ ဒေသခံတွေကို ပါတီက မဲဆွယ်နေပါတယ်။ မဲဆွယ်ကာလမှာ ပြိုင်ဘက် အမတ်လောင်းကို ရွှံ့နဲ့ပစ်ခဲ့တဲ့အမတ်လောင်းကို မဲမပေးကြဘဲနဲ့ ပါတီရဲ့အမတ်လောင်း လီဂျေးမြောင်ကိုမဲပေးကြဖို့ ဒီမိုကရက် တစ်ပါတီရွေးကောက်ပွဲကော်မတီဥက္ကဋ္ဌ ချိုးမီအေးကပြောပါတယ်။ ဇွန်လ(၁၂)ရက်မှာတော့ ဂျွန်ဆန်းနန်ဒို ပြည်နယ်အုပ်ချုပ်ရေး မှူးနေရာကိုယှဉ်ပြိုင်ဖို့ ပါတီက အမည်စာရင်းတင်သွင်းထားတဲ့ ကင်ကျွန်းဆူးကိုထောက်ခံမဲပေးကြဖို့ ချိုးမီအေးက အဲဒီပြည်နယ် ကိုသွားရောက်ခဲ့ပါတယ်။

အဲဒီနောက်မှာတော့ ဆိုးလ်မြို့ကိုပြန်လာပြီး ပါတီရဲ့အမတ်လောင်းကို ထောက်ခံမဲပေးဖို့ တိုက်တွန်းခဲ့ပါ တယ်။ အဓိကအတိုက်အခံကိုရီးယားလွတ်မြောက်ရေးပါတီကလည်း ချောင်ချွန်းနန်ဒိုပြည်နယ်မှာအနိုင်ရရေးအတွက် အစွမ်း ကုန်ကြိုးပမ်းနေပါတယ်။ အဲဒီပါတီရဲ့ရွေးကောက်ပွဲကော်မတီဥက္ကဌ ဟောင်ဂျွန်ပြိုမှာတော့ ဇွန်လ(၁၂)ရက်အတွက် မဲဆွယ်ရေး အစီအစဉ်မရှိခဲ့ပေမဲ့ ပါတီရဲ့ပူးတွဲဥက္ကဋ္ဌကင်ဆောင်တေးကတော့ ဆိုးလ်မြို့မှာ မဲဆွယ်ခဲ့ပါတယ်။ ဘာရွန်မီရေးပါတီခေါင်းဆောင် တွေကလည်း ဆိုးလ်မြို့ပတ်ဝန်းကျင်၊ ဂျော်လာဘတ်ဒိုပြည်နယ်၊ ဒေးဂူနဲ့ ဂျွန်းဆန်ဘတ်ဒိုပြည်နယ်တွေမှာ အနိုင်ရရေးအတွက် မဲဆွယ်နေပြီး အာဏာရပါတီသောင်ပြိုကမ်းပြိုအနိုင်မရရေးနဲ့ အဓိကအတိုက်အခံပါတီရဲ့ နိုင်ငံရေးပရိယာယ်မကြွယ်ဝတာတွေကို ဖော်ပြရေး ကြိုးပမ်းနေပါတယ်။ ပါတီငယ်ဖြစ်ပြီး ဟိုနမ်ပြည်နယ်မှာအဓိကထားမဲဆွယ်နေတဲ့ ဒီမိုကရေစီနှင့်ငြိမ်းချမ်းရေးပါတီက တော့  အာဏာရပါတီရဲ့အားနည်းချက်တွေကို ထောက်ပြနေပါတယ်။ နောက်ထပ်ပါတီငယ်ဖြစ်တဲ့တရားရေးပါတီကလည်း တောင်ကိုရီးယားနိုင်ငံတစ်ခွင်ကို လှည့်လည်ပြီး အဓိကအတိုက်အခံပါတီဖြစ်လာရေးအတွက် မဲဆွယ်နေပါတယ်။

 

 

Related News