ကိုရီးယား(၂)နိုင်ငံကိုဆက်သွယ်ပေးတဲ့ကေဘယ်ဆက်သွယ်ရေးလိုင်းတွေက အရှေ့နဲ့အနောက်ပင်လယ်တို့မှာတပ်ဆင်ထားပါ တယ်။ မြောက်ကိုရီးယားနိုင်ငံမှာရှိတဲ့ ဂယ်ဆောင်းစက်မှုဇုန်ကို (၂၀၁၆)ခုနှစ်မှာ ရပ်ဆိုင်းခဲ့ပြီးနောက် အနောက်ပင်လယ်မှာရှိ တဲ့ဆက်သွယ်ရေးလိုင်းတွေကို အသုံးမပြုတော့ပါဘူး။ အရှေ့ပင်လယ်မှာရှိတဲ့လိုင်းတွေကတော့ (၂၀၁၀)ခုနှစ်က တောမီးလောင် မှုကြောင့် ပျက်စီးခဲ့ပါတယ်။

ကိုရီးယား(၂)နိုင်ငံကြားလတ်တလောဆက်သွယ်နိုင်တဲ့လိုင်းကတော့ ပြီးခဲ့တဲ့ဇန်န၀ါရီလက ပြန်သုံး နိုင်ခဲ့တဲ့ဖုန်းလိုင်းပဲရှိပါတယ်။ ဒီလိုင်းကလည်း အသံနဲ့ပဲဆက်သွယ်နိုင်တာကြောင့် ဇွန်လ(၂၅)ရက်က ကိုရီးယား(၂)နိုင်ငံကဗိုလ် မှူးကြီးတွေအဆင့်ဆွေးနွေးပွဲမှာ ဖက်က်စ်စနစ်ပြန်သုံးနိုင်ရေးအတွက် ကေဘယ်လိုင်းတွေကိုပြန်အသုံးပြုရေးဆွေးနွေးခဲ့ကြပါ တယ်။

အနောက်ပင်လယ်ကလိုင်းတွေကို အရင်ပြန်သုံးနိုင်ရေးအတွက် သဘောတူနိုင်ခဲ့ပြီး အရှေ့ပင်လယ်ကလိုင်းတွေကိုပြန် ပြင်နိုင်ဖို့ လိုအပ်တဲ့ပစ္စည်းတွေ၊ ကိရိယာတွေနဲ့အချိန်နဲ့ဆက်စပ်နေတာတွေကိုလည်း ဆွေးနွေးခဲ့ကြပါတယ်။ ဒါ့အပြင် (၂)နိုင်ငံ ကြားရထားလမ်း၊ ကားလမ်းတွေနဲ့ သစ်တောကဏ္ဍတွေမှာလည်း သဘောတူညီမှုတွေမြှင့်တင်နိုင်ခဲ့တယ်လို့ တောင်ကိုရီးယား ပေါင်းစည်းရေးဝန်ကြီးဌာနကပြောပါတယ်။ 

 

 

 

 

Related News