ဥရောပကိုလာရောက်အခြေချသူတွေဘေးကင်းလုံခြုံရေးနဲ့ ငွေကြေးထောက်ပံ့မှုတွေပေးနိုင်ဖို့ ပြင်သစ်နိုင်ငံဘက်က ကြိုးပမ်းနေပြီး ဥရောပကောင်စီမှာလည်းပြင်သစ်သမ္မတ အီမန်နျူရယ် မတ်ခရွန်က အရေးကြီးတဲ့သဘောတူညီချက်(၂)ခုကို လက်မှတ်ရေးထိုး ပေးခဲ့ပါတယ်။ ဥရောပကိုလာရောက်ရွှေ့ပြောင်းအခြေချသူတွေအတွက် အရေးကြီးတဲ့သဘောတူညီချက်(၂)ခုကို ပြင်သစ်သမ္မတ အီမန်နျူရယ် မတ်ခရွန်က ဥရောပကောင်စီမှာ ဇွန်လ(၂၉)ရက်ကလက်မှတ်ရေးထိုးခဲ့ပါတယ်။ 

ဒီရွှေ့ပြောင်းအခြေချသူတွေအတွက် နယ်စပ် ကာကွယ်ရေးလုပ်ငန်းစဉ်တွေလုပ်ဆောင်ပေးထားပြီး ဒုက္ခသည်များဆိုင်ရာကုလသမဂ္ဂမဟာမင်းကြီးရုံး(UNHCR)နဲ့ ရွှေ့ပြောင်းမှု ဆိုင်ရာနိုင်ငံတကာအဖွဲ့(IOM)တို့လည်း ရွှေ့ပြောင်းအခြေချသူတွေဘ၀ရပ်တည်ရေးအတွက်ပူးပေါင်းပါဝင်ခဲ့တယ်လို့သိရပါတယ်။ 

လက်ရှိအချိန်မှာ ဥရောပနဲ့ အာဖရိကကြားမှာ မညီမျှမှုတွေရှိနေပြီး ဒီမညီမျှမှုတွေကြောင့်ရွှေ့ပြောင်းအခြေချသူတွေ အခက်အခဲမ ရှိစေရေး၊ ပြည်တွင်းစည်းလုံးညီညွတ်ရေးနဲ့ နယ်စပ်ရေးရာကာကွယ်ရေးလုပ်ငန်းစဉ်တွေကိုလည်းလုပ်ဆောင်သွားရမှာပါ။ ပြင် ပကနေသမ္မတကို အဆိုပြုခဲ့ တဲ့ကိစ္စရပ်တွေထဲမှာ ရွှေ့ပြောင်းအခြေချသူတွေရဲ့ကိစ္စကလည်းတစိတ်တပိုင်းပါဝင်တာပါ။ ရွှေ့ ပြောင်းသူတွေ အခြေချနိုင်ရေးအတွက် ပြင်သစ်နိုင်ငံဘက်ကအကူအညီတွေပေးခဲ့ပြီး အခုလိုထောက်ပံ့ပေးနိုင်တာက အားလုံးရဲ့ စုပေါင်းထောက်ပံ့ပေးမှုကြောင့်လည်းဖြစ်ပါတယ်။

ဒီလိုလုပ်ဆောင်မှုတွေထဲမှာ ကုလသမဂ္ဂဒုက္ခသည်များဆိုင်ရာမဟာမင်းကြီးရုံး (UNHCR)နဲ့ ရွှေ့ပြောင်းမှုဆိုင်ရာနိုင်ငံတကာအဖွဲ့(IOM)တို့ရဲ့လုပ်ဆောင်မှုတွေကလည်း အရေးကြီးတဲ့အခန်းကဏ္ဍကနေပါဝင် နေတာပဲဖြစ်ပါတယ်။ အခုလိုပူးပေါင်းပါဝင်တာကပထမဆုံးလာရောက်ရွှေ့ပြောင်းအခြေချတဲ့နိုင်ငံတွေကို ပြည်တွင်းရန်ပုံငွေတွေနဲ့ ပြင်သစ်ထိန်းချုပ် ရေး စင်တာတွေကနေအကူအညီပေးနိုင်ရေး၊ ရွှေ့ပြောင်းအခြေချသူတွေလက်ခံရေးနဲ့ မှတ်ပုံတင်ကြေးအပြောင်းအလဲတွေအ တွက် ငွေကြေးထောက်ပံ့မှုတွေပေးနိုင်ဖို့ရည်ရွယ်တာဖြစ်ပါတယ်။ ဒီလိုလုပ်ဆောင်မှုတွေက ပြည်တွင်းစည်းလုံးညီညွတ်ရေးနဲ့ ဥရောပနိုင်ငံတွေကိုပြန်လာတဲ့ ရွှေ့ပြောင်းသူတွေအတွက်များစွာအကျိုးဖြစ်ထွန်းနိုင်ပြီး မူလကခိုလှုံခွင့်ငြင်းပယ်ခံထားရသူတွေ ကိုလည်းပြန်လက်ခံပေးသွားမှာဖြစ်ပါတယ်။ 

 

 

Related News