ကိုရီးယား(၂)နိုင်ငံ ကြားက စစ်မဲ့ဇုန်မှာရှိတဲ့ နယ်ခြားစောင့်တပ်ဖွဲ့တွေနဲ့ လက်နက်တွေကို လျှော့ချသွားမယ်လို့ တောင်ကိုရီးယားဘက်ကပြောပါ တယ်။ကိုရီးယား(၂)နိုင်ငံကြား (၄)ကီလိုမီတာကျယ်တဲ့စစ်မဲ့ဇုန်ဟာ (၂)နိုင်ငံတပ်နယ်နိမိတ်မျဉ်းကို ဗဟိုပြုသတ်မှတ်ထားပြီး (၁)နိုင်ငံက (၂)ကီလိုမီတာနယ်နိမိတ်ကိုပိုင်ဆိုင်ပါတယ်။ (၄)ကီလိုမီတာအတွင်းမှာ နယ်ခြားစောင့်တပ်စခန်းတွေ တော်တော်များများရှိပြီး စခန်းတွေမှာ စက်သေနတ်တွေနဲ့မော်တာတွေတပ်ဆင်ထားပါတယ်။ တချို့နေရာတွေမှာ (၂)နိုင်ငံကစခန်းတွေက မီတာ(၆၀၀) လောက်ပဲဝေးပါတယ်။ ဒါပေမဲ့ (၂)နိုင်ငံစလုံးက တပ်တွေနဲ့လက်နက်တွေလျှော့ချသွားဖို့ စမ်းသပ်နေကြပါတယ်။

တောင်ကိုရီး ယားရဲ့ဝါဒဖြန့်စာရွက်တွေ မြောက်ကိုရီးယားဘက်ကို (၂၀၁၄)ခုနှစ်မှာရောက်ခဲ့တာကြောင့် တစ်ဘက်နဲ့တစ်ဘက်အပြန်အလှန် ပစ်ခဲ့တာရှိဖူးပါတယ်။ အခုလိုတပ်တွေနဲ့လက်နက်တွေလျှော့လိုက်တာရဲ့ရည်ရွယ်ချက်က အခုလိုထိပ်တိုက်တွေ့တာတွေလျှော့ချ ဖို့ဖြစ်တယ်လို့ သိရပါတယ်။  တောင်ကိုရီးယားနယ်ခြားစောင့်စခန်း(၆၀)ခုနဲ့ မြောက်ကိုရီးယားစခန်း(၁၆၀)ခုတို့ထဲက ဘယ်စခန်း တွေကို ပိတ်သိမ်းသွားမလဲဆိုတာကို (၂)နိုင်ငံဆွေးနွေးမှုတွေပြီးရင်တော့ စစ်မဲ့ဇုန်ပြန်လည်ထူထောင်ရေးနဲ့ စီးပွားရေးဆိုင်ရာ စစ်တမ်းတွေ ကောက်ယူသွားဖို့ရှိနေတယ်လို့ သိရပါတယ်။ စစ်မဲ့ဇုန်ကတပ်ဖွဲ့တွေနဲ့ တချို့စခန်းတွေက လက်နက်ကြီးတွေကို လျှော့ချသွားမယ်လို့ တောင်ကိုရီးယားအမျိုးသားကာကွယ်ရေးဝန်ကြီးဌာနက ကြေညာထားပါတယ်။

 

 

Related News