ဗြိတိန်နဲ့တရုတ်နိုင်ငံခြားရေးဝန်ကြီး(၂)ဦးတွေ့ဆုံခဲ့ပြီးနောက် ပူးပေါင်းဆောင်ရွက် ရေးကိစ္စရပ်တွေမှာ သဘောတူခဲ့ကြတယ်လို့ ဆွေးနွေးမှုအပြီးမှာ ထုတ်ပြန်ခဲ့ပါတယ်။ တရုတ်နဲ့ဗြိတိန်နိုင်ငံတို့က နိုင်ငံတကာနဲ့ ဒေသတွင်းပူးပေါင်းဆောင်ရွက်ဆောင်ရွက်မှုဆိုင်ရာကိစ္စရပ်တွေမှာ သဘောတူခဲ့ကြ တယ်လို့ တရုတ်နိုင်ငံခြားရေးဝန်ကြီးဝမ်ယီနဲ့ ဗြိတိန်နိုင်ငံခြားရေးဝန်ကြီးဂျယ်ရမီ ဟန့်တို့ကပြောပါတယ်။ ဇူလိုင်လ(၃၀)ရက်က တရုတ်နိုင်ငံ၊ ဘေကျင်းမြို့မှာ (၂)နိုင်ငံမဟာဗျူဟာဆိုင်ရာဆွေးနွေးမှုပြုလုပ်ခဲ့ပြီးနောက် ထုတ်ပြန်ခဲ့ရာမှာ ပြောခဲ့တာပါ။

ဆွေးနွေး ခဲ့တာတွေထဲမှာ လွတ်လပ်စွာကုန်သွယ်မှုကို ထောက်ခံတာနဲ့ ကိုယ်ကျိုးစီးပွားဖြစ်ထွန်းရေးဝါဒကို ကန့်ကွက်တာတို့ အဓိကပါဝင်ခဲ့ ပါတယ်။ နယ်ပယ်စုံပူးပေါင်းဆောင်ရွက်ရေး၊ လွတ်လပ်စွာကုန်သွယ်ရေး၊ နိုင်ငံစုံစနစ်ကျင့်သုံးရေးနဲ့ ကမ္ဘာ့နိုင်ငံရေးကိစ္စရပ်တွေမှာ ပူးပေါင်းဆောင်ရွက်ရေးတွေပိုတိုးလာစေဖို့ အမြင်ချင်းဖလှယ်ခဲ့ကြပါတယ်။ ခေတ်သစ်ပိုးလမ်းမကြီးတည်ဆောက်တာကို ပိုအား ကောင်းစေခြင်းအားဖြင့် (၂)နိုင်ငံအကျိုးရှိတဲ့လက်တွေ့ပူးပေါင်းဆောင်ရွက်မှုရဲ့ အရည်အသွေးနဲ့ အရှိန်ကိုမြှင့်တင်ဖို့ ဆုံးဖြတ်ခဲ့ကြ တယ်လို့ ၀မ်ယီကပြောပါတယ်။ အခုတွေ့ဆုံမှုမှာ (၂)နိုင်ငံအကျိုးရှိမယ့်ကိစ္စရပ်တွေကို အသေးစိတ်ဆွေးနွေးခဲ့ကြတယ်လို့ ဟန့်တ်ကပြောပါတယ်။ အခုလမှာမှ ဗြိတိန်နိုင်ငံခြားရေးဝန်ကြီးအဖြစ်တာဝန်ယူခဲ့တဲ့ ဟန့်တ်က ပထမဆုံးနိုင်ငံခြားခရီးစဉ်အနေနဲ့ တရုတ်နိုင်ငံကိုရောက်ရှိခဲ့တာပါ။

 

 

Related News