ပြီးခဲ့တဲ့သြဂုတ်လမှာ အိုကီနာစီရင်စုအုပ်ချုပ်ရေးမှူးဟောင်း“တာကဲရှီအိုနာဂါ”သေဆုံးတာ ကြောင့် အုပ်ချုပ်ရေးမှူးသစ်ပြန်ရွေးကောက်ခဲ့ရာမှာ အမေရိကန်ဖခင်နဲ့ဂျပန်လူမျိုးမိခင်တို့ကမွေးဖွားတဲ့ “ဒန်နီတာမာကီ”က စီရင်စုအုပ်ချုပ်ရေးမှူးသစ်အဖြစ်ရွေးကောက်ခံခဲ့ရပါတယ်။မဲဆန္ဒရှင်တွေဟာ အိုကီနာဝါစီရင်စုအုပ်ချုပ်ရေးမှူးသစ်အဖြစ် “ဒန်နီတာမာကီ”ကိုရွေးချယ်ခဲ့ပါတယ်။ တာမာကီဟာ ဂျပန် အောက်လွှတ်တော်အမတ်ဟောင်းတစ်ဦးဖြစ်ပြီး စက်တင်ဘာလ(၃၀)ရက်ကကျင်းပခဲ့တဲ့ရွေးကောက်ပွဲမှာ အနိုင်ရခဲ့တာပါ။ စီရင် စုထဲက အမေရိကန်လေတပ်အခြေစိုက်စခန်းကိုရွှေ့ပြောင်းမယ့်ဗဟိုအစိုးရရဲ့အစီအစဉ်ကို တာမာကီကဆန့်ကျင်နေတယ်လို့သိရ ပါတယ်။

မဲဆွယ်စည်းရုံးရေးကာလအတွင်းမှာ ဖူတန်မာအမေရိကန်လေတပ်အခြေစိုက်စခန်းကို အိုကီနာဝါ စီရင်စုဆီရွှေ့ ပြောင်းမယ့် ဗဟိုအစိုးရရဲ့အစီအစဉ်ကိုဆန့်ကျင်သွားမယ်လို့ တာမာကီကပြောခဲ့ပါတယ်။ ပြီးခဲ့တဲ့သြဂုတ်လမှာ သေဆုံးခဲ့တဲ့ အိုကီနာဝါစီရင်စုအုပ်ချုပ်ရေးမှူးဟောင်း“တာကဲရှီ အိုနာဂါ”ဟာ သူမသေဆုံးခင်အထိ အမေရိကန်လေတပ်အခြေ စိုက်စခန်း ရွှေ့ပြောင်းမယ့်အစီအစဉ်ကို ဆန့်ကျင်ခဲ့တာပါ။ အိုကီနာဝါစီရင်စုထဲမှာ နိုင်ငံခြားတပ်ဖွဲ့တွေရဲ့အခြေစိုက်စခန်းသစ်ကို မဆောက် လုပ်သင့်ဘူးလို့ တမာကီကပြောပါတယ်။ ရွေးကောက်ပွဲမှာ “တာမာကီ”ရဲ့ အဓိကပြိုင်ဘက်ကို အာဏာရညွန့်ပေါင်းပါတီက ထောက်ပံ့ပေးခဲ့ပါတယ်။ အိုကီနာဝါစီရင်စုကို ယဉ်ကျေးမှု၊ နည်းပညာနဲ့ တခြားနည်းလမ်းတွေနဲ့ စီးပွားရေးကိစ္စရပ်တွေမှာ အာရှအချက်အချာဖြစ်လာအောင် ကြိုးပမ်းသွားမယ်ဆိုပြီး တာမာကီကအဆိုပြုခဲ့ပါတယ်။

 

 

Related News