ဆီးရီးယားပြည်တွင်းစစ်ကြောင့် ဂျော်ဒန်နိုင်ငံကိုထွက်ပြေးတိမ်းရှောင်နေတဲ့ဒုက္ခသည်တွေက ဆီးရီးယားနိုင်ငံကိုပြန်လာနေပါတယ်။ဆီးရီးယားနိုင်ငံမှာ (၈)နှစ်ကြာနေတဲ့ပြည်တွင်းစစ်ကြောင့် ဂျော်ဒန်နိုင်ငံကိုထွက်ပြေးနေသူတွေက ဆီးရီးယားဘက်ပြန်လာနေပါ တယ်။ သူတို့က နေ့စဉ်ဂျာဘားနယ်စပ်ကိုဖြတ်ပြီး ဆီးရီးယားကိုဝင်ရောက်နေတာပါ။ ဂျော်ဒန်နိုင်ငံမှာ နှစ်ပေါင်းများစွာဒုက္ခသည် အနေနဲ့ နေထိုင်သူတွေက သူတို့ပိုင်ဆိုင်တာတွေကိုသိမ်းဆည်းပြီး ဆီးရီးယားနိုင်ငံကိုပြန်လာနေပါတယ်။ သူတို့တွေထဲကအများ စုကဂျော်ဒန်ဒုက္ခသည်စခန်းတွေမှာမွေးဖွားတဲ့ကလေးတွေဖြစ်ပေမဲ့ သူတို့ရဲ့မွေးရပ်မြေကိုတော့သိကြပါတယ်။

ဒါပေမဲ့ ပြန်လာတဲ့ ဆီးရီးယားနိုင်ငံသားစုစုပေါင်းအရေအတွက်ကိုတော့ မသိရသေးပါဘူး။ နေ့စဉ်ဆီးရီးယားလူမျိုး(၁၀၀)လောက် ဂျာဘားနယ်စပ် ကိုဖြတ်ပြီးဝင်ရောက်နေပါတယ်။ (၂၀၁၉)ခုနှစ်မှာ ဆီးရီးယားလူမျိုး(၂၅၀၀၀၀)နေရပ်ပြန်လာမယ်လို့ ကုလသမဂ္ဂဒုက္ခသည်များ ဆိုင်ရာမဟာမင်းကြီးရုံး(UNHCR)ကခန့်မှန်းပါတယ်။ အဲဒီလူတွေအတွက် အဓိကစိန်ခေါ်မှုတွေကတော့ ဘေးကင်းလုံခြုံမှုနဲ့ နေ ရေးထိုင်ရေးတို့ဖြစ်နေတာပါ။ မပေါက်ကွဲသေးတဲ့လက်နက်တွေနဲ့မြေမြှပ်မိုင်းတွေကို လူနေအိမ်ဒေသတွေကနေ ရှင်းလင်းဖို့လိုပြီး ဖျက်ဆီးခံရတဲ့အိမ်(၃)သန်းခန့်ကိုပြန်လည်တည်ဆောက်ဖို့လိုပါတယ်။

 

 

Related News