ကမ္ဘာ့သဘာဝပတ်ဝန်းကျင်အရည်အသွေးကျဆင်းလာလို့ လူ့ကျန်းမာရေးအန္တရာယ်တွေပိုများလာတယ်လို့ ကုလသမဂ္ဂသဘာဝပတ်ဝန်းကျင်ဆိုင်ရာအစီအစဉ်(UNEP)ရဲ့ဗုဒ္ဓဟူးနေ့ကအစီရင်ခံစာမှာသတိပေးထားပါတယ်။ ဆဋ္ဌမအကြိမ်ကမ္ဘာ့ပတ်ဝန်းကျင် ဆိုင်ရာမျှော်မှန်းချက်(GEO-6)ကိုသိပ္ပံပညာရှင်(၂၅၀)ဦးကငါးနှစ်ကြာအချက်အလက်စုဆောင်းရေးသားထားပြီးကင်ညာနိုင်ငံ မြို့တော်နိုင်ရိုဘီက ကုလသမဂ္ဂသဘာဝပတ်ဝန်းကျင်ဆိုင်ရာညီလာခံ၊ (၄)ကြိမ်မြောက်အစည်းအဝေးမှာ တင်သွင်းခဲ့တာပါ။ အခုရာစုနှစ်အလယ်မှာအာရှ၊ အရှေ့အလယ်ပိုင်းနဲ့ အာဖရိကတို့မှာအချိန်မတိုင်မီလူသန်းချီသေဆုံးနိုင်ချေရှိနေလို့ သဘာဝပတ်ဝန်း ကျင်ကာကွယ်ရေးမှာထိရောက်တဲ့တိုးတက်မှုတွေရှိရမယ်လို့ UNEPရဲ့အစီရင်ခံစာမှာပါဝင်ပါတယ်။

(၂၀၅၀)ပြည့်နှစ်နောက်ဆုံးထားပြီးအစားအစာအကြွင်းအကျန်တွေလျှော့ချနိုင်အောင် ကြိုးပမ်းကြမယ်ဆိုရင် ကမ္ဘာလူဦးရေတိုးတက်လာမှုကြောင့် မြင့်တက် လာတဲ့လူဦးရေအတွက် အစားအစာထုတ်လုပ်မှုဖိအားတွေသက်သာသွားနိုင်တယ်လို့လည်းတိုက်တွန်းထားပါတယ်။ ကမ္ဘာ့နိုင်ငံတွေအနေနဲ့ နိုင်ငံရဲ့GDPနှစ်ရာခိုင်နှုန်းကို သဘာဝပတ်ဝန်းကျင်စိမ်းလန်းရေးမှာ ရင်းနှီးမြှုပ်နှံမယ်ဆိုရင် ရာသီဥတုပြောင်းလဲတာ၊ ရေရှားပါးတာနဲ့ ဂေဟစနစ်ပျက်ဆီးတာတွေ ရေရှည်မှာသက်သာသွားနိုင်တယ်လို့လည်းအကြံပြုပါတယ်။

 

 

Related News